Iserael yange a er ifer U tsaha ve kpa shi U zungwe ve,Wea na ve sha ikev i mbaihomov a tsaha ve kpa ishima i a yôhôl We yô,Tor shi U za paa ve

Ka ken Ai, kpa ve nzughul kwagh ker Akan ii ikyondo i Shinar, tôô ijen zanaria man, shi azurufa ishima vihi U a ve ye U gema ve cii U wa sha ikev i Mbaai ye, Yosua vaa ken utya kpishi, kpei ahii Aôndo Tor, kanyi ve U gem se U we sha ikev i mbaihomov asev wer ve tsaha se?

Tsô Ter ôr a Yosua er Iserael cii ve er isholibo ican ne i ve ye, ve dugh kwaghbo la sha u wuan Akan a tsombor, ishima yôhôl Ter ker ve, A gema di Mbaai di A na ve tsô vaa kaa, Mbaai kpe juu yange ku zende tembe ye

Hegen kpa alu se er isholibo Aôndo Ter Un a de se ga Un a tsaha se, alu se nyôr iyol a ior mba nyôron mbamkohol mba ken myer, mba man awambe, mbakeren inyaregh ki sha pila, shagba man shi icivir sar ve, ve yem u keren kuraiyol u vea kpe fele ga, alu se nyôr iyol ken mlu la yô, nôngo ase, se dugh nen sha ga yô Ter A gema ijime avese orihom nan a va ityav sha vese nan a zua a vese fele, ci u Ter kende iyugh

A kende iyugh, ior kpishi mbagenev fa ga tsô mba ôron kwagh u Ter Yesu lu ôr Ter kaa er shie a va kuma yô ityav a mough, ikur i ngin a i ngira, man shi igwa i utya kpa a samber ihom a ngee sha won tsô

Ka amimi Ter ôr nahan ka aie ga kpa se tema se hen ken ishima alu se a zua a ibo yô, se gule se sôn Aôndo ican, yase ibee sha

Gayô ityav yisa se cii, se mba yevese ayem gudu gudu, yevese yemen ityôtar man, shi sha ityough-ki-taregh, imbusutar-iyan man, imese cii ior ve yem, er vea war ker, pe zan lu je ga, ci u ityav yisa cica cii m-mem kpaa ngu sha won ga

Yô tar cii u va se gule se sôn nen Ter, Afirika a va, ior i Nigeria shi mough sha va Benue ngu hana? Ior i tar Tiv cii mough sha va kwagh er, ior i tar tiv mba timin, been yô se er msen Aôndo Tor, Ter A wase se yô ican ne i bee, i bee ken iti i Yesu