Bibilo pase se er tor u gen lu yemen zende yô, a yila mbatomov nav a kar ve talenti, er a soo yô, zum ne maa a yem, zende na er lu kaa

Or u hiihii la a na un utaan u sha uhar la a na un uhar, u sha utar la a na un môm , se ungwa kwagh u ior ne ve er, di a talenti mba a ne ve

Or u yange ngohol talenti utaan la gema wa ken kasua kua u ngohol, talenti uhar ne ve er kasua ve zua a mtsera gbing gbing, kpa or u ilu môm ne za wa shin inya a cir gbang gbang

Tor ne za tsa zende ayange kpishi kpa hide, pine mbatomov nav u talenti mba lu na ve kwagh u ve er a telenti mbashon yô, or u hiihii ne va na un, shi na un mtsera, or u sha uhar ne kpa er di er u hiihii ne a er yô, doo tor ne a ve a rumun ve ken ya na a iember

Kpa or u sha utar ne di yô a kaa er, mo m fa u taver inja tor, mo ayagh a we ga, m za time inya m wa shin mi, ngohol, zum ne ishima vihi tor ker ana kpishi, tor na zwa i kende un ken mtsaha a zungwe un ga

Kape lu la, hen ayange ase ne je kpa Ter Aôndo na se u talenti kpishi je, talenti yô ka kwaghfan u Aôndo a ne se ken tar ne ityô yam

Aôndo na se kwaghfan ken tar ne, A ver ishima er se er Un tom a min ken tar ne, kwaghfan u Ter A ne ior mbagen ka vea lam yô i kundu iyol, hen pe ishima ma i vihi la kpa ka i sambe sha,Ter Aôndo shi na mbagen kwaghfan sha u sôron anzughul, a ma a vihi kwagh la a bee, sha kpa mbagen gema akaa ne ve yer, shin inya ve daa, inya ve cir gbang gbang

M pande a pande a di cukuu m lu ôron ye, Ter Aôndo na se mfe kposo ve zua a orgen je ga, anmgbian kwaghfan u Aôndo A ne u la ka un man u ta iwanger sha min er a wanger tar ne ua dondo Tor ua zua a iveren man uma ye, wea yer, yô dugh sha fese er u war ican igbem

Mo yô kwaghfan u Ter A nem yô me yer, ga Aôndo nam ikyenge me wuese Tor, mea za alu ken ikyôngo finii, pe ubegha ve yue shin anyam, me nande ikyenge icamoo! Me yer, talenti u Ter Aôndo A nem ga

Mba ve lu yeren u talenti vev la Tor u Uma A tsaha ve iyange i jir la, or u dondon umbur ase, wea yer yô, dugh sha fese, er Aôndo tom, a min Un a va na u, iveren man uma u tsôron