Anmgbiamev, or u ôron mimin gbem ihom ker nan keng, ior kpishi soo mimi pe ve tem ga cii ka ve ker un a ku, kwagh u nyiman ngu sha min ga, me pase ne, ne nenge a min ityô yam

Ngise Sefanu zua a ku ken Yerusalem i lu sha ci u u yange pase ior mimi u Yesu Ter, Mbayuda ve mough ityav a na taver, Sefanu cia ga, a pase ve, mimi u Aôndo, zua a ku-oo! Se mba ungwan, kwagh na

Shi Yohane zua a ku sha ikyev i tor Herode sha kwagh u Herodia u yange cia ga pase Herode ibo na ken igbar la, ihom yar tom a Yohane sha imo i Herodia a hingir gundu hen inya, awambe ndôôr ye

Ka pe lu je la, pe ahegen kpaa kwagh shon ngu eren ne, iferor ka a soo u geman mimi er a lu bough, je i hingir sendeegh, m pav a nyôr mzough a lu lun sha won ga

Alu se kenger gbang ken tar ne yô ior kpishi hegen kende mimin je, ve dondo iferor ve sôr, wav a mimi, iwuhe man anger, ihom ngi yaren kwan, aie kemaityo mtôv u sha ican ngee, kwagh ne hingir hang hegen-oo kera doo u nengen ga

Ken ityom i yaren ken afishi kpa shi mimi za ihen, ityom kpish hegen hen mbagen, mimi gba ica, hen pe ve lu tsô ve soo u ungwan ga

Za hen pe ôron ajir hegen u ungwa, u nenge a lan u ishima, orinyar, ka a zua a ishô hen mbaôronajir mbagenev, icanor a tôô ibo, a lu ibo i anicanor ga kpa inyaregh yam ishô, hegen mimi pande, ayuu! Mo yô lanem ishima

Ken Icighan Nongo u Kristu je kpa imba ne ban je ga, ihom ne ngi yaren tom, alu u kaan kpôô u kpera i , mpav ya tor hingir hang, kaan nen ner ve dumbur, inja er, agbilinaior a Yesebel lu ôron mimi ga ne, Naboti kpe a ishô na iyol

Tile sha, mimi dông de cian ihom i tar ne je ga, iferor a mough num a we je kpa, gule msen er Paulu man, Shila lu er hen Ter Aôndo, A tese agee ve due gaadi yô, gule msen hen Ter Aôndo, Aôndo Tor u Uma ngu her oo Ter A ungwa keng keng