Tavaku 2014
No. 2549
7 Avur · Isaac Ankpese · NKST JATO-AKA, KELASE U JATO –AKA
Mnder

We ordondon Yesu Tor kange iyol, er u za u nyôr yô, wuha gemeen u ngu keren iyugh, kpa u wuha er Aôndo Ter A soo yô ka mtsera je.

Mrumun

Se kange iyol côv côv ga mbadondon, se wuha sha er Tor u Uma A rumun, se kange ijimba ijimba Ter A rumun se ga se kpera iyugh.

Ivur 1

Ungwa nen yange kwagh er ken tar u shion kpiligh iyol u ungwan, lu kwagh u iyol i wuhan zenden sha ihagh ne,Tor sen a iyugh Na va tenger shion kwagh er, mbadondon ver nen ato, tsô ne ungwa vindi vindi

×2
Ivur 2

I lu kasev, ônkasev mba shion neer iyol i wuhan ye, ve shir ayôughor sha ityou har mshirim je yugh yugh, u dughun imon zenden, nyiar ashe ifar ifar eren ijimba, shi profeti un a ôr kwagh ve venda u ungwan.Vea jinge ayôughor a sha ityou mshirim gba uvan, tsô ior, kpishi je ve yem u ungwan tsô ve undu Tor, Ter ve kende imo Na

×2
Ivur 3

Yawe nenge, Tor kaa er ahoo, Me tsaha ne man, shi ne kav asema ye, Tor sen a iyugh Na mliam ger, lagh sen va hondo ve ityough, kungu je bee kpor nenge ihuma i kwagh u doon ken gar la gema ihuma i hôôn ve ityough ki kuran hingir inja er ka kpuuga u anumbe yô, tsô ibyashôhô va tema sha ityough ki ikondo i zan iniongo, tar huan,Ter kough, iember kua sha ihagh i tan ijimba kpa kough cii

×2
Ivur 4

Ka heera tseegh ga,Yesu kpa ôr kwagh mbera mbangeren man mbafarishi Ter kaa er, ve kor uriga mba tamen, mba keren icivir ken ushinagoge, sha igbenda kua ken ukasua sha uiniongo mnenge u sha ashe ve wuha doo kpishi kpa, shi mimi ngu je ga, kwagh u Ter A soo la ne venda yô kwagh a tser ne keng

×2
Ivur 5

Alu se nenge iyol i se lu wuhan ken tar ne hegen yô, kwagh gande ikyaior man anuun a ukase ve kange sha akondo shi ve kange ve due ken asema, hingir gemeee shion hide tile shi kende ave sha, ior mbagenev mba zenden idyelegh wea pine ve yô ve hua ikyondo, kpa ikyondo ve yô ngi yisan idyelegh mayan ga, man mba hondon ityough ki iyôô zenden sha mhembe, or u dondon m ngu pasen we mer ma u pande iyol, er teelee ga Ter a sen a iyugh u war sha won ga

×2
Ivur 6

Se wuha iyol, wuha se daalaa tsô Tor u Uma Un a rumun, wea kange akondo u bee cii, hide ase a iyol jime man shi lu a dooshima, hanma or doo a nan ishagbaor, icanor kua shi oriwan ancôvor, shi mba gban jime, kua mba duen ati la ne sangen ga, iyol i wuhan ia engem a doo Tor u Uma kpa kpegher ityough

×2
Ivur 7

Sha iyange i Ter A yila se sha u zan, iniongo sha tar u kaanan yô a lu akondo a iyolough ne ga, alu iyol i ken jijingi, se se wuha man ve se za ya u tsôron ye

×2
Oricam
Isaac Ankpese