Mule u tine kon mimi a kundu iyol zan zan kpaa tem gbem ga, mule geman sha mze u iyange, ka wea tema ker di kpuaa iyange ia gema yô we kpa u kporom, kwagh u mule yô ka pe alu ne wea tema yô, de kpeete ikyôr ga

Mbagenev tema wa ityough ken mule u tar, ne kigh-kigh, ve yô ve kume shagba a kondo ityough, kwagh u hemban ve ngu ken tar, ne sha won ga, or u lun er ve kpa ngu ga Aôndo iyol, Na je kpa ve hungur a Na kpum kpum, ka ve er ishenge er or nyôr tsô a iwa ga, ve tema ve kpeete ikyôr ken mule u tar ne

Je ve nyôr u ember mule u tar kuma iyol cica, mba yan tar sha chia er apu, uuma vev ve tee diabolo yam bee kera ve tema jikii, mba fan ityô u geman ga

Belashasar kpaa, a tema ken mule u tar mkpeiyol na un hungur a Ter Aôndo yange la, er zege-iniongo a lôhô, atiator ve lu yan man u ember, tôô ayongo a tempel u Ter, hôngor a min côv côv, akpeete ikyôr, gema di kule iyange ga

Ka hanma mule u tem ker u muan we orkristu? Ka inja mule i Haman man Ahaba ve lu tema shinii? Shin ka inja i Samson tema vea Delila, ga yô wea tema sha inja i Akan sôr tema i doo, ieren i mimi i Yesu Ter wase tese i lu se ikyav i mbadondon

Mule u Yesu Ter wase a samber sha ior cii ken tar ne cica, m naregh u ave Na, sha teran Ter tôô ibo u uma, tar se mba yilan we, or u dondon va se tema ken mule u Yesu

Shie yem yange zurum hegen ne ngi zan u kuusu, wea tema ken mule u tar ne yô sôr tema, due fefa ken mule u tar, ne shi sôr mlu wou, er ku ua va bur se, se yemen a iember, ikpamkor a va kar kpaa se yemen a iember

Alu se kpen, mdoom ma mule u tar ne yô ngu va karen, mbadondon, se due se tema ken Yesu mhir Na yô se se tema ken mule u tsôron