Nenge Satan wa ayom, ngu zenden keren se ken tar ne, ngu zenden fele fele u zuan a igbinda sha u un a hôn se ushile mbera se gba ve keng, kpa se ior mbadondon yô se ver asema u paregh ihônon i ormee

Sha hiihii Satan zende nenge avindigh ne sha isharen, lu sha Adam vea Ifa diabolo hii hônon shile tsô ve za gba, ka chigen di num sha ave ve ifan i ker se kpa ka shile i ormee

Shile yôhôr, kighir Anania a Safira, Satan yange zende nenge avindigh a kwagh u yinan ve gba tim ye, Koraki, Abiram kua Datan, i lu hemen hange ve ye, Satan yange zende nenge, avindigh inya mena, shile u idya yôhôr a Samson, wua wua ken Mbafiliti

Shi va hôn Yosev lu shile u idya Yosev yan gba ga, wan mile due tsembelee, shi va hôn Daniel vea akar a na, inyamakombo engem doo gande, tativ ya ga shile la kighir ônov mba Tor u Uma ga

Yesu, Satan hôn Un shile u bar utar je kpa gba ga, ijen hingir shile ken ikyôngo ve, gema ase awen beredi, kpa nenge Oryiman Yesu A venda sha, tsuwe sha ityough ki tempel, gba ase inya kpa shi Yesu venda, gule civir mo yô me na U tartor wam, kpa Yesu yan venda, zenda Satan yem kera, ka Ter Me er tom Na ye

Hegen kpa, Satan hôn shile ne mbadondon, ormee nenge avindigh a inyar yô a hôn, shi hemen u keren sha ipila a hôn, ngu hônon se sha msôr man angereke, liam u dang kpa ka shile, m sav a sav, Jijingi na se u paregh

Alu se a lu taveraa, ken Yesu yô diabolo un a zua a avindigh, ape un a hôn se ushile mbera mayan ga, se uve ken akper a Yesu se tenger ga, u uven ka msen zumbee, Icighan Jijingi Un a hemen se vough er hemen Yosev, man Daniel, ve gba ken shile ga ve hemba un

Jijingi u Ter Aôndo tesen se u paregh ihônon i diabolo, er se a wever ker kpa se gba ga yô, se bee Ter Yesu se nyôr Tartor u tsôron