Yan U gba sha man tar man akaa aa lu ken tar ne cii, ken ayange ateratar Ter er hanma kwagh cii man A mem tom sha mimi yô inja tom ne gande or

Ka mea kenger ityom You yô i kpiligh mo iyol juu, Ter U gba iwo i tile sha nyi jimi? Ngi tenger ga, man pepe ka i shi duen mnyim toho man ikyon kpa ve mende sha inya inyom, man fam mba vesen tsô, uzegembamngerev kpa mba shi kuan gighikiki kohol sha ajiir a We Ter U tese ve yô, mba a zwa ga kpa mba shi kaan imo

Doo u se wuese ityom You Ter Aôndo We U nôôn ura sha tar cii sha er U soo yô, U gba uwer kua asan nga tsaren se iwanger tugh kpa iyange yô ka i duen tetan, man ahumbe kpa nga shi karen, ahumbe a lu ga yô, uma u or kua ishôso man ikyon cii man ve lu ga Tor Yehova U kuma iwuese

Uma u Ter U nem ne ka u me de u sughun We Ter ga, gayô uma ne alu hen or, ma m zough ami ga, sha ci u kwagh môm kpa m ngu ami u me kimbi uma ne mayan ga, Ter U wam ashe m ngu nengen man ato sha u ungwan man zwa sha u lamen ka sha u me pase ityom You yô Aba Omega U kuma ishughun

Avange kpegher ityough yô ngu kenger ityom i Aôndo rumun ami Tor, U gba avange awambe na ndôhor yange ngi a ta un tsô awambe na a anem a gba zenden yan kwagh wuese kpegher ityough, Ter U hemba, ibua kpa ngi wuese we sha ikyor i tôngon, inyon kpa ngi wuese ityom You puu-puu, U hemba tswen sha won

U va sha uwo U tese agee Ou ‘wo u Senai tenger, mbaiserael cia sulugha or shin ma aôndo ngu u hendan a We ga, U nande Nebukardinesar ya toho, tor Farao tim shin mnger a ityô na Igipiti se ungwa, tar cii u cia U se civir We ga yô se kule iyange ga

Tar ne yange u gba ken kwaghbo kpa Ter U va ande sha agee Ou U yima se ken Yesu Oryiman, shin er mbaihyomov mough nyôr ave sha min, kpa U tese agee Ou Wan genger imo taver-taver man sule, ikyondo i yisan tempel kpa pav, tar tenger avande kpaa pav Yesu hemba ku agee A nder Ter U er ityom gbem U va er tom u zungwen tar mhôônom ve se lu ember ye, yô va nen se civir Aôndo Ter sha ityom Na ne