Kape ngise, Ter kaa a Iserael ken ikyôngo la, zum u ve due yemen ken tar u kanaan ve lu hemban ityav, zum u vea hemba ikurior la yô shi ve ver ishigh sha i dondon ken hemen la, ve nôngo zurum a Mbamoabi, Mbamoabi hingir a mciem, ve ve lu cian Iserael, hen shien ne yô ve tindi hen Balaam ci u a va a va wa Mbaiserael ifan yô

Er a za nyôr ve sôngo nagh yô Balaam man gule di sha u wan Mbaiserael ifan, ayuu Ter yan gema ifan i hingir iveren ci u Mbaiserael, Mbamoabi ule zuzu

Tsô Balaam gema kaa a Mbamoabi er, de me ôr ne ayom, ga Iserael mban ka ior i Ter Uhemban, mo me faityô u wan ve ifan kpa ia kôr ve ga, yô hegen ne lôhô nen Mbaiserael iniongo, ken iniongo ne ve va ya inyamakombo yô shi ve hôngor iyol a idya ishima ia vihi Tor Ugbem

Zum u ve er ayom, ne Iserael kpa sula a ga, shima i vihi Tor, sen wegh sha Iserael yange kwagh er yô Iserael tim, ahegen Balaam ka Satan, a va nyôr ken Nongo u Kristu se mba nengen ashe ase

Hegen kpa tar ne shi ngu nôngon a mbakristu je se mbadondon, kwagh gande u tsô u tindi hen boor er a va wa se ifan, Ter wase Yesu venda, gema ifan na la hingir iveren sha ku u teran, ahegen ne yô kwagh gande iferor a nyôr a ayom kpishi je, ngu meen se sha hanma vegher

Alu se nenge yô idya kpa va nyôr iwuhe aie, ihom man angereke ve va kase cii, kwagh gande bem nyôr ayem ken Nongo u Kristu, ahegen boor gbe yaren kwan

Aôndo nenge kwagh u ndôhorshima vihi Ter, Tor pase wegh iangev nyôr mbi wuan se u umace ayange ne, zan zan ken Nongo u Kristu mbi hange ma or ga ci u se di kpaa se de afer ga

Anmgbianev, va se vaa afanyô shi se hide hen Ter Yesu se zamber, Ter Oryiman va yima se ken mtim u tsôron ne