U kuma u sughun We, Ter wase Aôndo, hii sha igbe tar je U lu Tor u utor, mba hen tar ne cica, mbatyomov ve lu civir We, zan zan nyian ne kpa Yawe, U kuma icivir tswen sha won

Mo yô ka u wuese We sha atsam Aôndo, U kuma u sughun hanma shie, man u wuese We hanma shie sha hanma iyange, ci u erdoo Ou hen mo Aôndo ve ngee gande, U kuma u me wuese sha ikyenge icam a iember

Hiihii, Ter Aôndo nam ikyenge icam m lu wuese ye, kwaghfan kpa shi ka Ter A nem, Tor kuran mo hanma iyange, undyer-gbuuka mba ding ding,Tor Utsôron ngu kuran mo man koson mo hanma iyange, ken uange man aaikyôr cii Tor u Uma ngu kuran mo, kwagh u hemban yô A na Ter Yesu sen A va yimam ve m ember ye

Ka mea hen sha erdoo u Ter wase hen a mo yô, kpiligh iyol je kundam iyol, ikarkyase gbidyem iyol Tor, u wuese kpa Ter m kuma ga, Cighan Jijingi ivim agee sha u wuese Ter Utsôron

Ka mo tswen ga Davidi tôô areki sha u yemen a min yô, tor har adigyuve lu kuhwan, vinen wan atsam lu wuese Ter, Nebukardinesar kpa wuese Ter, Hana kpa wuese shie u yange Ter na un Samuel wuese Tor, man shi Hesekia lu ken uange, sôn Tor u sha wase un wa icam a iember

M ngu yilan ior cica ve mough se sugh Tor,Yawe kuma iwuese tswen sha won, ior i Afrika mough, nen a iember Najeria ve mough, Benue mough nen cica, ior i ken tar u Tiv cii ve mough, Tor na se uma gbilin Ter wase pine injar ga, kwagh a lu ga kpa mough se sugh Ter, ikyômkwase mough ase se za sugh, oriwan we mough sha a iember, kwasecôvor kpa a mough sha, a mough sha icam, Ter na se uma gbilin A kuma iwuese

Har nen ityoughlov, se wuese Aba Ter, or u nderan a ndera gericam, gbande a gba imo a shile ngigh ngigh sha icivir je, or u imar a tôngo lugh lugh yô se chagh amar, se vine se shav lugh lugh se wuese Aba Ter, Davidi kpa shav lugh lugh, wa icam wuese Ter, oradigyuve kpaa mough, orkakaki amase dorough, imo gaakaka Yehova u kuma iwuese

Tar cii va nen, va nen a iember, u va sughun Ter u Uma, ga yô uerdoo Nav ngee gande u se se tema se lu ving, va nen se wuese Tor atsam a iember, ageba ageba Ter U kuma iwuese