Dooshima u Ter A or yô ka u se ôr kpaa se bee hana? Ter gba Usha man tar ne, lu sha imo A er tar A bee cica, shie kuma u a gba or ken tar ne A lôhô mkohol u Mbautar, Ter man Wan man, Icighan Jijingi ve lu ken mhen ve er or ye

Dooshima Na ngu sha or er A gba or yô Ter shi A pande mfe Na A wa ken or, kpa gema nyume inyon kua zendeinya man shi ishu i shin mnger, kwagh ne a tese, tese wang er Ter gba or ka sha ibeen i Tor Ugbem, se mba kposo a u zendeinya Tor Utsôron, Ter wase kuma iwuese

Nenge ishima na ngi sha or, er A gba or ken tar ne A gema a kenger or yô doo Un kpishi,Tor gema tar gengee kua akaa a lu gba ken u la cii, kende gema wa sha ikyev i or a iember A tôô ave Na sha

Ter na or kwase kpa ka dooshima, Ter gema ashe A nenge yô or lu tswen, A gema kunya kôr Tor, wase Aôndo Ter shi A er, kwase A na or tsô or mngbough a iember

Shi A na or ônov ken tar ne kwagh ne ka dooshima, nenge or, ngu a mar ônov ve bee nan anmgbianev mbadoon, mluashe kua iyol, ka i bee nan kwagh ne ka dooshima u Tor Ugbem, ga yô se fa shie u Ter Aôndo A jilen wan ve se maren ga

Nenge nen iveren i Ter Aôndo A ne or, hii sha igbetar kpa kuma Adam ga cii Satan a za tsugh Ifa kende imo i Tor u Uma Ter Yehova zenda ve cii, ve umbur u vaan afanyô ga kpa shi Ter Aôndo Ter, wase A tindi Yesu va paa se ityough, Tor zungwe se mhôônom dooshima Na gba ikyôr

Nenge Aôndo ngu veren se doo doo je, shin er se vihi, se lu vendan imo Na kpa ngu a bunde u pever, ahumbe shin ngu a nyume se ura Na shin iwanger ga cii se uuma, ngu kuran se shi koson, se ayange ayange, ityô yam, doo u se civir Ter u Sha U A gbe se yô

Doo u se kav shin asema anmgbianev cii, m ngu pasen ne, injar kpa se mba a min u kimbin Tor u Uma ga, man erdoo Nav avese ve ngee je gande, se gema ayol ase se na Ter wase se kua asema, sughun Yesu sha u wan atsam wuese, iti Na

Se yô kwagh u se na U ka iwuese man, ishughun tseegh se lu a mi, hen We ye Tor Ugbem, u erdoo mban kuma ishughun i kende ave sha