Hanma iaven i i ve hen we, a lu i doon shin a lu i doon ga kpa, Tor Yehova fa man ka ci u i due u ken hemen i doo yô.
Hanma iaven cii gba wuese Ter tsô, Tor hemba fan a we yô orwam ka u i due u ken hemen i doo yô.
Hanma iaven cii ka hen Yehova Ter ngu A na ian yô i ve ye, ka a lu i doon se lu ember, ka a lu i doon ga se lu vaan, kpa kohol cica yô ka Yehova Ter Aôndo A fe ye, anmgbian, ka ci u i due u ken hemen i doo yô
Kape ngise Yehova tsegha sha u va yiman Iserael sha ci u ijen yô, Tor na ian anmgbianev mba Yosev ve tee un, ter na zungwe juu a vaa, je yô ishima pever Yakob je ga kpa va kuma Yehova Tor gema ijungwen hingir iember
De zungu za tumen ityough ga, anmgbian, Ter Aôndo u Uma A lan ga cii, hanma iaven yô gema i wa sha ikyev Na,Tor hemba fan a vese ityô yam, ka u i due se ken hemen i doo yô
M umbur imo i Paulu yan ôr ken Mbateselonika u môm la ityough itian a kaa er, ken a kaa cica cii se na Ter wase ishughun, u doon se sughun Ter, u doon ga kpa se sugh Yesu
De me ôr injakwagh ungwa nen, orgen yange gba sha mato tôndo wegh, ijende na za u sughun un yô kaa a na er a wuese Ter ken hanma iaven,Ter Aôndo fa nenge ka a ci u i due u ken hemen man i doo yô, ishima vihi or ne zan zan sha ci u u nyi un tôndo wegh je kpa ijende na i lu ôron kwagh la, iyange igenegh ve lu yemen zende mba za sôôn, hen zege ijem yô man a daa ijende na gba shin zege-jem la u ve a kaa er, we kpa i za due u shin jem la i doo we
A kar a yem, kpa za ica ga man aya gadoga ior, mba ve kegh gbenda sha u vea gber or ityough a yem aza ii, tor a min yô ityô yam, kpa za sôôn yô ior ne ve venda er ngu wegh môm tseegh nahan vea gber ga, yan hide ayem ayem va ngor kwelegh yange ior zua ve va va dugh, ijende na shin zege-jem la sha ye, shi akaa er vea yem un rumun hanma iaven i i ve hen or yô ka ci u i due u ken hemen i doo yô
Alu wea wa ishima u eren kwagh tsugh tsugh un a bunde, a lu or jim jim nan a yange, shin ma angev mbu a va nyôr shin or a kpe u je kpaa, mayange de yen ishima ga, Tor hemba fan a vese ka sha ci u i due se ken hemen i doo yô
Yo hanma, iaven i ve hen mo, yô me wuese Yehova Tor Utsôron, Un hemba fan a mo me zungwe ga ka u i duem ken hemen i doo yô
Hanma, iaven i ve hen vese yô se wuese Yehova Tor Utsôron, Un hemba fan a vese oo, ka u i due se ken hemen i doo yô