Sha kwagh u gar u sha la ityô yam, u nyôron ga la yô vihi kpishi guda u nyôron a u ember ken tar ne tseegh la.
Hagher tsô, u nyôron ga la nyion tsô, u nengen a gar la ga yô mzungu ngu tsembelee.
M ngu ôron ne, ka gar u Ter Aôndo A ser sha ci wase, A sôr tsembelee doo u nengen, mtoghor, ku man angev, yô mba shaala je ga, ka u wan atsam u kuhwan, Usha gbem tugh kua atetan zan zan
Yô se se de akaa a tar ne a saa se sha ci u gar u Aôndo A ser ci u ônov Nav, se kpen iember i tar ga, se kpen yô nenge a va hagher, a doo u nengen ga
A va hagher tsembelee a lu or a kpen, iember i tar ne man ugurgur mba se nengen a min ken u yô, iember i Sha la bunde u ve, kwaghtseren la yô kehe tsembelee
Kape ngise ornyar u genegh a lu ember, iember i tar ne tseegh hungur, kwagh u sha gar u Ter, yange za tagher a ijungwen yô, hingir anyi a yan man izungwen i tsôron
Hegen kpa anmgbianev mbagenev suwa ityough, a iember i tar, hunde ishima u henen sha iember i gar u Ter i sha Usha la, tsô ve gba hingir a tar, cam-ci-cam u yan ember
Mba shi ember sha ajiir a man kwagh zendan ahumbe ningir, kwagh va hegen ne yô ayou a msôr yar gande, mzough mba sha tsombor hingir ayou adua hen u yaav vev
Man nenge gar u sha, Ter sôr doo u nengen aye, kwagh môm u bo kpaa ngu ga ityô yam , man iember i ker kehe je gande u ôron sha won, yô we tar oo se sôr nen ayol er ve se za gar u sha yô
Terem m zua a kwagh môm, ken tar u mo me ta ihagh a tar, me undu U me yem sha u keren, iember i tar ne sha u i va bunden, iember i gar Wou ga, Jijingi ivim agee Ou.
Tor u Uma oo, awashima wase yô ka u ma se nyer shaala keng, ma se nenge a iember la keng, ma i kundu se iyol ken ishima ye, yô wase se ooo se mba a agee ga.