Ka ishughun se sughun, We ye Tor u mhôônom, sha u erdoo Ou a vese, er yange se lu ikpan i diabolo kpa U zungwe se U dugh se ken kpan sha, se hingir ônov Ou U na se Oryiman Yesu yima se ye, ve se wuese We Ter, sha u erdoo Ou hen avese uuma ye

Se yô se mba a ma kwagh, u nan We ga, ka di ikyav i tesen, er ter ka un a na wan kwagh, wan kpa shi ka i doo u a na ter na kwagh sha u tesen dooshima u wan a ter se di kpa se lu tesen u wase hen a We Ter ye

Ikyav i nan iwua kua shi nagh, i U tese se sha wan Wou Ter Yesu A va yem tar, hemba hanma inja iwua, i or a na u kimbin erdoo Wou, ka asema ase se soo sha U nan We ye

Kire se a er se lu wang, se lu mba eren sha ishima You, ka nahan man, Ter U ngohol uiwua asev a saan se iyol, ken tar ne di er yange U ngohol, nagh ku Abel ve i saan, un iyol, U venda ku Kain ku na a ishima i wang ga la fa Ter rumun imba la sha won ga

Sea lu nan iwua hen Ter Aôndo u Uma yô, i de luun, a ihoghur ga se de taan akperan sha kwagh u nan Aôndo ga, se na nen, a iember ve Un a rumun, A na se iveren, se ngbough a iember ye

Abraham, lu tange u nan Ter nagh, sha wan na Isaka ga ve Ter wase u Sha kpa rumun na un iyôngo, i nan nagh a min iyol Na, se kpa se tange nen u nan Ter ma kwagh, je ga akaa cii ka a Na cica man, ka Un a nan se ye

Mba ve lu a kav u nan kwagh, sha tom u Ter Aôndo ga man, mbera mba ve lu tangen akaa nan, cukuu sha ci u Ter la, ma ve kav er a lu or a tange iyol u nan kwagh sha tom u Ter yô, Ter kpa A tange di sha u nan iveren Na ve shi a lu nan di yô

Se de koson, nen akaa hen ape anhyevev, kua shi ivina ia za vihi la, se na sha ikyev i Ter u Uma pe ihyev man ivina a nyôr heregh ga yô, karem nen tsô ne nenge pe Ter Aôndo kaa la

Yô wanger se asema ngohol se uiwua mba se ne ne Tere, ka u tesen ikyav sha er, i lu asema ase se mbabov ne jim jim, je se lu nan We,Wea rumun yô ngohol ase a, shi na se iveren You