Ityom i Aôndo tese icivir Na, ityom ne ngi tesen mhembe Na kua shi agee Na.
Ter wase Aôndo er, ityom tese agee Na, ityom You ne ngi tesen se icivir man agee Na, ityom You ne ngi tesen se icivir man agee Ou.
Zegetar ne,Tor er tar ne ken ayange ataan, ateratar la A er or, A gema tar ne A wa or sha ikyev, A penda tar ne sha nyi, A penda sha mngere? Man i penda mngerem sha nyi? mngerem ma senen, or u fan kighir na ngu sha won ga
M nenge Ter er usha er ka kughur yô, or u fan ikighir na ngu hana? A penda akaa sha mi mum mum sha ci u tan se iwanger i ateten man tugh asan kua uwer, man iyange ka sha nyi U penda a ve a gbe ga, Aôndo ityom You tese icivir You
Alu se ungwa iubububu ka ahumbe or nengen a a hana? hen pe a dugh pe a lu yemen, ka an wase nan fe, man aluer ahumbe a kera lu ga yô ma kwagh uuma kpa un a kera lu ga
Er ishwa i ndahar sam nahan Aôndo penda akaa ne keregh,Tor penda amishe nga ker igyongor ngi ker, ahu nga ker kpishi, Tor penda sam kpa ker, mba nengen a min ga saa ka a lôô,Ter u uma ka A sen A tese agee Na
Ken sar kpa u zua a igbila ga u zua ikyuhe ga u zua ice ga, Aôndo Ter ka A sen a agee shien u wan ka Un a gba ken sar u ngô, nan vese a due a igbila, ikyuhe man ice, ka han yan U penda or nengen a min ken sar ga, shi mjir u wan ken sar ka an wase nan fe, Tor ityom You tese icivir You
Kwagh u genegh mba yilan er gbaaôndo, gbaaôndo ngu a mende a tôndo a kera lu mzough a itine ga, kpa ngu a tôndo yô ka a zua a zara? Man ngu a wuha a kamber sha kon mbughur mbughur Aôndo kuma iwuese tswen sha ityom Na
Inyon i purugh kpa ngi wuese ityom You, m ungwa Tuu-tuu wuese Tor, U hemba puupuu or môm kuma a we je ga, Akôsanger ngu a dura imo er Ter U hemba i cia U, Anema man Akange har ikwen mba wuese Tor, Akiki ka a kume indyer ka icivir i Tor u Sha, Atungwa man Asôhô ger amo wuese Aba Tor Ugbem
Zegetom u kpilighiyol, yô Aôndo na se wan Na, zegeican keeng Yesu venda ga, A nyôr ityough ker sha ci wase, ican man aheen kua ku, ya ican vindi vindi i mande sha kon, A tôô ibo yase A bugh Peradiso gbihi ivegher, zegetom ne mimin a tese se icivir man agee Na
Va nen a iember, se ityom i Aôndo se har abilim se wuese Ter Aôndo sha ityom Na, Jijingi kpoghor mbera mba ve lu a va ga kpa ve va, kwagh u a lu u uma a wuese Ter sha ityom Na