Ungwa nen, ka mimin m er yeoo Bibilo ôr, m lu ôron ye, yan i kuma Ter pe timin gar u Sodom man Gomora, tindi mbatyomov nav er ve za, ve za due a Loti a tsombor na ken gar sha, gema ta icin A kaa a ve er ne due yô or a den geman ashe ken ijime mayange ga, kpa kwase u Loti yan yem kenger agbilinakaa a yange undu ken gar yô, yange gema ashe ken jime hingir iche-bar lu sha genda ye

Akan, yan venda u ugwan imo i Aôndo ve yan tser a ku ye; Ushia kpa ungwa imo, i Ter ga zua a imande iyol kungu puun, or u Aôndo ua due, ken Yuda la, kpa zua a ku, a venda u ungwan imo i Aôndo Ter kaa a na la, a hide sha gbenda ve begha wua un ye

M tese a tese ikav heera tseegh je kpa, kam er i kuma yô, hide sha kov u hegen ne se mba eren di nena?, ka a gba ôron je kpa ne ungwa ga, saa ityough, ka ki a va ta keng se gba keren or u nan a yima se hen shien u ian ikar yô, ungwam ase ityô yam, kwagh ne zuam sha injakwagh i ôr, mo kpa m ôron ye

Igo yange yem zende vea iwa, tsô nenge i kuma sha u yaven yô, igo kaa, a iwa se tsa ken won sha er, se se zua a ishôndough sha er se ya yô iwa ti venda er mo m fa ijiir ne ga se yav ken won ga, iwa man nyôr er igo yange yem u sangen di a, asôndo nenge tsô kwagh er, inyamkume yange i va ta num sha igo tsô man ngor kwelegh vaan yilan iwaoo iwaoo, iwaoo, iwa nure mough saghela, va sôghor sha hunda hunda tsô ngure kaan a igo ashen ashen, kpa m kaa u var var, mo m kaa u var varoo kpa u ungwa ga, mo me due sha won ga

Pe i lu ôron se hegen ne je kpa se mba rumun se kegh ato u ungwan ga, ci u Ter nam m doo yum, ka an a yangem u yan tar aha? Mo me er di sha er msoo yô, mbamaren ve ôr ne ungwa ga, shi ne yem u yan ahôm a tar ne mbagenev ve zua a ku, mbagen zua a angev mbu been ga hen shie ne ve mase kaven er ve lu inyatyuu, ve ngure ôron Aôndo er, Ter Utsôron maam sha er u soo yô

Nenge nen ken Nongo u Kristu je kpa mbagenev ve venda, u ungwan imo i mbahemenev ve nyôr mkôôm u duen ga, mbagenev i tôndo ve ati, kpa ka sha iongo-ga, liam u dang ken Nongo u Kristu, mba mo mhii adua sha shien u mbamishen je, ibume kwagh la mo me rumun ga, ve venda u ungwan imo i mbatamen ve yem u za man ahom a tar ne

Ungwa nen Oryiman Yesu A kaa er, or u nan ongo imo Na la Un maa ayou ngee kpishi, or u nan, ongo imo Yam yô, nan a nyôr sha ya uhe u tsôron, kpa ne yem ahôm a tar ne, igyamusu i tsôron i a kohol we, u ngure vaan yilan, wer, Tere, ku Tere, Tere yimam ahe, Oryiman Un a kaa er, ashen ashen, kpa M kaa ne var var M kimbir

Ter nam m ungwa, ichin i tan You, er ahôm a tar ne a engem nahan kpa, de sarem mo ga, m lu girgir er me va nyôr tartor u tsôron yô

Ter na se se ungwa, ichin i tan You, er ahôm a tar ne a engem nahan kpa, ma a sar se ga, er tartor u tsôron u de va karen se ga