Tyendezwa ka kwagh u numben sha mi, mayange ga mbadondon, se ver nen asema, wea er i yô kule keng keng, ga Aôndo a yuwe u u kpera iyugh Na

M gbe ôron ga cii nenge er, tyendezwa asev, ve lu di kwagh, u numben sha mi, mayange ga yô, lu Anania a tsegha zwa a mbera mbahenen ci u, u a kohol akaa ve yô, kpa va kule sha min ga yô, Tor lu wua tsembelee

Alu se nenge, sha ayange ne je kpaa ior, mbagen ve tôô utyendezwa ve hingir, di ve anbeer kwagh u sha inja je ga, ka ve er utyendezwa hen ior kpa ve kule ga, hen Yehova je kpa, ishima i ta ve kwe ga

Ior mbagen er utyendezwa hen Ter Aôndo sha kwagh u ve sen yô,Tor naan ve yô ve hungur ami ve kule ga ve yem u ember, mbagenev er tar taver, Aôndo lan ga, maor tsughun Yehova ga nenge Yefeta yange er tyendezwa na va taver, taver gbang hange tsugh tsugh je kpa a kule wan na u môm môm la a gema un lu na Tor Ugbem, Cighan nagh, anmgbianev ka ken mlu ne, mlu mba taver man ve a kav, mbera mba civir Ter sha mimin jim ye

M ngu umbur, mba hemen tar ne kua mba ve hemen sha, ajiir a tyom mer, yange i lu bumun ne sha tyom la yô ne tsegha zwa, ne tôndo zwa hen ikpilaior kua Tor Utsôron, ner ne er tom, sha mimin mimi je ne hemen ior a dooshima, anmgbianev utyendezwa enev, ve de hungur je ga, mba kulen ga la Yehova Aôndo ngu a tsaha iyol Na

Ikpilaior, cica umbur ase mba hemen agbar a tyom a Kristu, yange i lu veren ne sha tom la yô ne tsegha zwa, lu ne er utyendezwa hen Ter Aôndo je ne wa wegh, de kera nengen ve er ka beer ga se va tôô ifan, jinge ken ishima kule ve a iember, de rumun zwa wou, wer u na kwaghbo yô a tser u ga

Kpa ior, mbera mba kulen, tyendezwa ve la yô Tor, ngu A na iveren, Aôndo iyol Na je kpa tese se ikav ne, Tor lu tôndo zwa, sha u tindin, tar a Oryiman, ka sha ityendezwa ne je Ter kule se lu a iember ye

Ter Aôndo oo, Ter wase na se yô se se kure, utyendezwa asev hen ior man We, er Ter U yuwe se ga yô