Aôndo yilam, nam jijingi u mo m civir Un amin yô, lum er ka sha ishima yam je m ve ye mbadondon, Satan kpaa va nengen er m lu a iyol gengese yô va kpusugh mo m due idyu sha hua a na, a za kangem a gbihi inya ye

Er m yem ken tar icaa pe mo m fe ga yô Satan za, tesem ityartor i engem doo kpishi kpa, m kenger gbang yô m va kav mkur na vihi kpishi, m nenge er tashi a engem ken akpe man, mkur na yô a lu ihundugh, idya tema vea angev, iwuhe man ihom penda ashe sha amo ka tsombor u ku, ishima i tam kwe m ngor ikyenge yilan Yesu Tor Ugbem

Kpa Ter er A soom, ken Wan Na Yesu yum yô, A na Jijingi Na, A nyôr kookoko za kôrom sha uwe lu ulugh mo, tsô m kaa a diabolo mer m kera ngu ci wou ga de me er ikyenge,Yesu hemba veoo, U hemba me wuese Aôndo, mhôônom ma Ter doo zan zan

M ngu yilan akar a am, man Mbakristu cii, va se ember imôngo sha er Aôndo, A va yemen ken Wan Na u môm, ka pe wan u ngohol dyako na hen ter na la ken masejime zamber, ter na ngohol un je yôô er, wan ne lu saa kpa i zua a na, kape Ter A ngohol we a iember la

Jijingi A va suwe se mbadondon, Satan a de tsughun se sha ma ityôkyaa er un doo ga, un a tese u mdoom kpa ka ma karen ma a va kule ape a lu kwelegh yô

M sugh Aôndo, er A yemen m hingir u waren ku u orifer anmgbian pe u gbe la we kpa de saan ga hide va dondo Yesu A yima u

Se sugh Aôndo er U de we ikyum iyôngo You i We U yer ne, i za zua a kwar u ku ken iferor, ga i ember ken Yesu, yô ne kpa hide fele va kohol se Tor u Uma kegh ave Un a ngohol se