I zenda Yefeta yan yem i lu sha ibo na ga, lu sha ci u dyako yange lu yem, ieren i tar ne a zendam, kpa me yem a yagh Yehova ngu her iyol Na, uma wam lu ving, civir Yesu Tor Ugbem, se nenge er a za kule yô.
I zenda Yefeta yan yem, ilu sha ibo na ga lu sha ci u dyako yange lu yem, ieren i tar ne a zendam, kpa me yem a yagh Yehova ngu her iyol Na, uma wam lu ving, civir Yesu Tor Ugbem, se nenge er a za kule yô.
Yefeta lu or u tseen shima sha kwagh, shi lu a agee, shien u ter na va undun ve tsô kwagh u dyako nyôr a mpav, anmgbianev nav zenda un je ve lu kaan er, a wa ityô kpe, kwagh ngun nahan i zenda un hen ave sha
Ikyaa er, Gileadi huan ving nyian ashe bong, hen shien u Mbaamon kase ve ityav, Gileadi hen shin shima ker zua a ma or u wasen un je ga,Yefeta za han-oo? Hen shien ne mbahemenev za u vea za hide a Yefeta shien ne
Or u i zenda un ne a hingir u hemen Gileadi hen shien u Mbaamon kase ve ityav, Ter na ve sha ikyev i orhemen Yefeta, Gileadi hemba Mbaamon ityav sha iyange la gande, ior i Mbaamon sha iyange la hingir u varen Iserael inya a mciem je, tese ikyav, se nenge er Aôndo A gbe ikôr shi A hembe hanma kwagh yô
Hen tar ne kpa i tôô agudô a vese u zendan se ve kaa er se wa ityô kpe, sha ci u se yilan sha iti i Yesu yô
Mba zendan se ken tar ne sha hanma kwagh, se mba nengen, kera ka mlan ga, i zenda se sha chiki u se de civir Aôndo Ter ne, se civir mbaaôndo mba se fa ve ga, tar nyôr u wuan mbakristu nanden tempel, hingir ican, se num ayem yevese a ikyav, ape or a za ve nan a mem je kpa ngu ga ityô yam, m zenda u Yefeta ne a nyôr, kwagh kuma se iyol er angbagh anyi yô
Hingir di kwagh u nyi di ken tsuwa nyi ken gbenda? ka u hana se vaa, ka mzenda u ken jijingi, u afer ase, isholibo ngi se zendan je, ka i lu se er, ma i lu anger man se lu eren, man i lu iv ve se tsa ka-ka sha u ngohol akaa sha igyosough, ka hua je ve se er shin ka idya, mlu wase ne kpa gema ngu di zendan se sha, ishigh ki Tor Ugbem imba ne se er nena, va wase se Ter se se zamber
A er nan ve se hemba tar ne se va ngohol, tsar u mhembe u Ter A ver se, Icighan Jijingi tese se mhemba shon A tese wanger, er se taver asema ken agee Na hanma shie, shi se hua ikyav mbi utyaav mbi Ter Aôndo iyol cii, se hemen wuan mlu u iyolough u tar ne kera, er ityoronshima man idya, isharen ibo kua hua u eren, kpa se wua kera, ka sha nahan man se hemba tar ye
M ngu wan mba i zende se ken tar ne kwagh, se wa nen shima,Yefeta yem ken masejime yô a hingir u hemen Gileadi cii, yô fa kwagh ne, Oryiman Ter yan vande kaan er, tar ne ka u wase ga, civir Ter de kenden Yesu maiyange ga, mlu wase un a va kule ken iember se va hingir u hemen ior mba zendan se mbera kpa jim jim
I saan se iyol gayô se va hemba ican i i lu zendan se ne cica, Tor u Uma A hide iyange i ijir la se ember gbem