Davidi na zwa Shiba va a Mefibosheti, ishombon or kpera va hen Davidi tor, ilu ishombon-or alu a ityôkyaa iyol keng keng ga

Kpa iyange na va due yô nenge or u sombon Mefibosheti, a tema kwaghyan a tor imôngo, tor u ior tômon a tom er man ve zough kwagh a na ne, an-iwanor va tema ya kwagh a tor, ityô yam nengem nen tar u lu inja

Iwanor tema imôngo vea Davidi, ya kwagh ma kwagh, kwagh u lu ter na cii yô i hide ami wa lu sha ikyev na, pe erdoo a lu ne saan ga

Yeriko lu tim, Rahabi yan war lu erdoo u er, er lu yer mbamkerev mba Ter, idyako i Rahabi ne i va a myom u tar cica, Abigail yima ya na kpa lu sha tom u erdoo ne man ikyôm i hen ya u kwase u Shunem bee kpa lu sha tom u erdoo tsô, injar i erdoo yô i saan ga

Ier i eren doon yô ka idyako je gande ior mba hemen a dôô a ya ve ungwa, mba hemen ken ityom ve ungwa, ior mba tilen ator m gba ôron ve

Nenge ka or lu ijende je i kôr tsugh tsugh, kwagh jim jim un a gba man u kav inja huror wou la ye, ahuraior undu ior shie u kwaghbo m fe m ôron ne ye, ikyu i gen ka sha ikyev i ahuraior i dugh ye

Mbagenev di Aôndo Ter kende a ve va hingir u unden, sha ipungwa i vian, shie u yange ve ve lu yan ican la ior mbagenev ve lu wasen ve, er ve undu cii yô mbamaren kpa ve hungur, man ahuraior kpa ve hungur ve kpum kpum Ter kpa ve hungur, zan zan ipungwa ngi gban shin inya ga

Mbera mba eren kwagh nengen ken hemen ga kwagh ngu, wea er dang kpa mba hungur je ga, ior a cia u ashe kpa, wea kera luun ga je tsô ican la hide ka i tsombor wou, ônov mba Ahaba,Yehu tim lu sha inja kwagh ne m ôron ye

Jijingi u Ter tese ior Ou se fa, ieren i doon i ne injar, shin tar ne, Yonatan lôô erdoo mende, se kpa se a lôô yô kape un a mende je la, man shi sha kpa a lu injar, injar i erdoo yô i saan ga