Se zer gbem yô nenge Ter wase ti pase ican, ican nyôr kohol se uuma, ci u isholibo ngee hegen ve Ter Aôndo A lu yuwen se mmem a lun ga ye

Mvihi u tar u ahegen ne a gande, ma kwagh u doon ker u Aôndo A nenge ve Un a zungwe orumace mhôônom hegen yô ngu hana?, kwagh u ndôhor shima tema twev Ter A tindi sanker u ican, man iyugh i lu van sha uuma mnyam ma cier ye

Ka ape ngise Tor yem a Yohane ken icile i Patimo, lu tesen un akaa a va er hen shien u a bugh ikyav i sha unyiin, kwaghbo un a tser tar nyinya u lun fuun la un a ande, ican ityav mbi nôngon, iwoo-or a dumbur ijen a gande ior, man shi inyamkyume tar a gbuusu ker zan zan

Beem er shien shon ne a nyôr yô kuma iyol sha won, aeren a ior sha shigh ki Ter Aôndo, ka kwagh u ndôhôr Ter shima, idya ngee ijimba mough neer iyar sha ior, nenge ikyondo i huan i hegen cier iyol kpishi, or ngu a hua kpaa shi nan lu idyelegh, tar nungwa jimba yô nomso-or ngu a za er u genegh a hingir nan kwase, kwase kpa ka kwagh môm, shi ve zua ivese ken igbar Satan ngu memen tom ga

Mzough mba vihin ior sha ipila ngee gande, hingir hang ken tar ne, Ter tôô bem sha uuma nyôr ken ican i ganden ve, ior mbagenev va due ayange ne je mba a tahav, pe ve dugh jim, kpaa se fa ga ve samber sha tar u wuan ior hegen tar hingir ayôôso, ityav nôngo ayange ne bee er mbi a hemba kur u tse mmem kpa ngu ga, kwagh u Ter lu tesem la m nenge ngu eren, va se hide hen Ter ga yô mtim u tar penda shigh ve

Se Mbakristu yô se wa iyol, hegen Ter tindi or u veren ior akav sha icur mba i ver ga la ka mtim ve lu keghen ye, yô se hide nen hen Ter se de jimba man ihôngor sha ishigh ki Aôndo a jighjigh u nan, er a zungwe ior mba undun aferakaa cii sha mhir u Yesu la

Ter zurum u hiden man A lu tesen se ieren i uma ken foto u mnya, er se yevese yugh i Aôndo Ter i lu van di sha mba hemban ato, ikpamkor i mkur zurum yevese nen Jijingi ngu nderen se, mbera mba ve lu her yaven ka mtim a va tim ye kpaa mba ve nder la yô vea a war mtim u tsôron