Ngise Aôndo kaa a Yosua er ne yôhôr Yeriko yô, hanma anmgbian a nyôr jighlii, sha ian i nan a za jighlii, or môm a de geman ga

Ka shie, u Yosua vea Iserael lu ve za ityav, ken gar u,Yeriko ve za tagher, a gir Yeriko, lu wa gir je i kuma eka ajimin, shi a wuhe hunda kpa, gbang gbang taver gande, ka Tor u Uma va na ve, kur-utya ve yange hemen, ve ityav Yeriko yan yôhôr ye

Yan i wa ve atindi gbing, je kpa mô ve môm hemba ato ga, Upristi ve hemen a ikyor i tôngon, mba tôôn Areki dondon sha mi, mbera mba gbiden ivaa mase Yeriko yôhôr ye ve nyôr, sha aan a yan i tese ve jighlii, ve tim cica Rahabi war kpa lu imo i Aba Tor Ugbem

Kape se kpa, yange se va ta sha gar u Satan lu maa, Satan, lu wa gir je i kuma u eka pue, ve se kan shio kpa Aôndo Tor, tindi a Wan Na, Yesu va nyôr A yôô, iyol Na er Mo Kur-utya u Ter M va, A yôhôr gar u orihom Satan A na ian er, hanma or a nyôr sha ian i nan jighlii, se tim hanma inja ifer cica

Se kpaa i wa se atindi hegen se kura cica cii, mbera mba tôngon ikyor ka Upaseto je la se mbadondon, mba tôôn Areki ka mbatamen, mba gbiden ivaa ka alegh kua mba keren iti Na, se kura atindi a Aôndo a pue la, ka a or msende lu maa gir, a mi ye ityô yam

Se mba tôôn aan a ase hegen ga kwagh alu nzughul ye,Upaseto mbagenev ikyor ngi kera gbe tuee ga ka pum pum, mbera mbatamen mbagenev kende Areki yô mimin due ken a ve sha, mba ve lu alegh mbagenev, kpa hingir mbatamen, ka a zua mba kaan er, kwagh u i hii ken mkohol yô de rumun ga, se se dondo u tsô angereke a kar adue sha, maiyange je u faityô u timin ga u kende ian you

Mo me tôô ian yam, we kpa za ase sha ian you, i Aôndo A ver u yô nyôr jighlii, hanma ifer a va se tim cii, kwagh môm a due ken imese ga, kwagh môm a due ken iyan ga, mba gbiden ivaa gema hingir mba tôôn Areki, mba tôôn Areki ve hingir, mba tôngon ikyor kwagh a nzughul ken Cighan Nongo ye

Shin alu, ma anger, kpa aa va ikyua se se tim cii, se se kera de di se ihom i due ga cii, se se de nen iv ga cii, se wua nen idya man alu di an-kematyo, se tim un purututu

Se mba sônon Ter, ser shi va na se agee Tor Ugbem a se nyôr, sha aan a Aôndo A ne se mbadondon yô er yange la se hemba ormee “se ger iember” se lu yagh yagh sha yô