Yesu yange ande hen mbahenen hen zegemnger Ter lu zenden sha kwav-mnger, mbahenen nenge kpiligh ve iyoloo ve cia, ve kaa er ka ormbakugh, Oryiman Yesu kaa er, taver nen ishima, ka Mo Ter, yô de cian nen ga

Zum ne, Peteru kaa a Ter Yesu, Tere alu We yô man m ve hen We, Oryiman Yesu rumun Peteru due ken tso a gba zenden, sha mnger yemen hen Ter Yesu jighlii

Kpa ka yôngor ga yô ahumbe taver tsô Peteru hii u cian, Peteru man gba milen shin mnger a genger imo a yila Yesu Tor, Teremoo yiman Ter naregh wegh, kôr Peteru yange war ye, mbadondon

Mo kpa m ngu sha gbenda, m mough u yemen sha ya uhe u tsôron, kpa akaa nga yangen mo, er idya kua isharen i inyar man kua liam i dang, m yilan We Oryiman kôrom sha uwe ga me va mile ken mlu u tar, me nyôr ya u tsôron ga

Ka mo tswen tseegh ga, anmgbianev kpishi ve mough u yemen, je kpa ormee, Satan ngu nzughul a ve gbenda, kpei Yesu Ter wase Oryiman U kende se se saa se mba a tahav ga

Aferakaa ase nga yangen se u zan ya u he u tsôron, se dugh akaa a hôngorough ken avese sha, se nyagh nen dang, iv, ihom man angereke, akaa ne a na se mile ken mlu u tar ne shi se nyôr hen pe Aôndo A lu ga

Mba me lu a nyaregh, me lu zegeor hegen ne, me lu shagbaor, me lu or u duen iti, mo kpa i fam ken tar ne sha pila ka Aôndo Tor A ne ga, akaa ne a na se mile ken mlu u tar ne shi se nyôr sha ya uhe u tsôron ga

Mbera mba ve mough u zan hen Ter Yesu, kpa akaa a lu yangen ve yô yila nen Yesu, Peteru yange yila Yesu war, orpirinashe u ken Yeriko yan war, ornumungbenda kpa a yila Ter kaa er umbur mo Oryiman, Ter kaa er nyian je u lu a Mo sha Peradiso, or u nan, yila Yesu Ter nan a war keng keng

Kôrom Oryiman, ga m ngu milen ka ken mlu utar ne, U wasem ga me saa sha gbenda

Yima se Oryiman, tsô se za se za nyôr sha Kanaan u sha, se tema ikyônough vea Tor Ugbem, a bee mayan ga se ember yagh yagh