Anmgbianev, yô me pase ne tsô ne ungwa kwagh u yange na man Yakob yan ngohol iveren na kua icivir na hen Ruben sha, a na Yuda di yô, i lu idya yange na ve er kwagh ne a Ruben ye

I lu shie u yange Ruben unde Yakob sha gambe la, vihi Yakob juu a ôr kwagh ne a Ruben, Ruben ahii, u ngu iubububu inja er mngerem yô hen ya wam cii mayange u hemba ga, tsô a gema icivir man mhembe na Yuda, Ruben ahii! U er kwaghbo yô i hee u ve

Nenge idya ka kwagh u bo, man ikpila i mbagenev kpishi kav ga mba eren sha er ve ve soo yô, ka wea ôr kwagh a ve sha kwagh u idya wer ve mem i yô, we u kpela zege-ihom ve, yô we or u idya ne umbur, Ruben lu wan jim je kpa va hingir u lun a icivir ga, iveren kar sha kpa lu idya, paregh nen mbadondon se de idya ne ne doo sha won ga

Ne or ku, shi karen a icivir i or sha, ka wea lu or u Ter je kpa alu u ngu eren, eren idya yô, u tile u lam kpa ior a ver ato ga, er or-idya ne ngu lamen nahan se yem, u hingir dang u hee kpishi, idya laha u ve, or u idyaa môm môm kulen ken icivir ga

Me tese ne ikyav tsô ne ungwa shi ne kav er idya i lu ibume kwagh, shi idya ka i hee or jim yô, m umbur hen zum u Yuda lu yemen ken Timna sha u za tôndon iyôngo aive la a nenge a kwase u wan na lu engemee tsô wa ishima shio, man a er idya a na, na ibumun, i kôr sha kunya kua gbough ica gba ga kwase la wa iyav tsô i ngule pinen

I za ôr Yuda, kpa shi lu Yuda je na zwa er i za va a na a nande, tsô i due a kwase ne u nanden yô kwase ne za due a kor man gbough gema kende hen tembe er or u akaa ne a lu a nan la, ka nan nan erem imba ne ye oo, er Yuda kav kor na kua gbough yô a vôr a tar, gba heen heregh tsô oo, mbadondon se nyagh nen idya i de va heen se ga

Mbaidyarev yô Tor na ve tar u sha ga cii A ver ve injar, injar i igyamusu ngi yeghen war war ngi keghen mba ve lu eren i, shie u Ter Oryiman Un a va u ôron tar ne ijir, or u idyar u war zeoo, idya a wua u Semson jim jim je kpa a zua a ku sha idya, se kpa lu se a de ga yô Tor Ugbem A tsaha se shie u ijir a bunde sha won ga

Anmgbianev er se ongo yô se de nen idya, sha er mhir u Yesu yô se se war ijir i Tor Utsôron, mba ve ongo kpa ve lu norom la vea tim, igyamusu i tsôron ngi keghen vea za gba ker tingimii

Jijingi u Ter va wase se, sha u hemban ameen a idya Ter se se yina U kende se tseegh yô idya a hee se ken tar ne, suwe se sha er yange u suwe Yosev hemba ken Igipiti hen shie u yange kwase u Potifar a za kôr un la

Ter suwe se sha er se se hemba ameen a idya yô er se war iyugh You yô