Tavaku 2014
No. 2504
9 Avur · Terhemen Oscar Aôrabee · NKST MAKURDI CENTRAL, KELASE U MAKURDI
Mnder

U kpen asorabo ase yô Tor, Ter u Uma se va war sha won ga.

Mrumun

Zungwe se mhôônom, Ter Oryiman, Tor u Uma de se asorabo ase Ter u, mhôôn shi zungwe se mbabov, de se ibo se va ka u zamber.

Ivur 1

Se mba kinen, ken iangev se mba uange ken iyol man ken jijingi,Ter Aôndo shi ityav kase se ijen kôr se ule shi se wa ayem, inya se mba yevese mbaihomov asev, Ter ka shima i vihi U ve U we se sha ikyev ve, se vaa se mba yilan, Ter Aôndo wase u na jime a vese kpa se de yilan We ga

×2
Ivur 2

M har, Terem m har adiguve wam sha shima i har mliam sha ci u ishima vihim, Ter sha asorabo a m er U, kpa m vaa m va gba U sha ikyum yô Terem dem ibo

×1
Ivur 3

Se har,Ter se har ityoughlov je kpa shima i har mliam sha ci u ishima vihi, se sha asorabo a se er U, Ter ishima vihi se sha ci u mbera mba We Ter, U ne se sha ikyev ve la ve kera kav er Ter, ve lu akpa Wou ga yô mba suur sha agee ve, ve yô ka mba nyiman We ve fa iti You ga

×1
Ivur 4

U na ve gber se avav, ve nande agar ase kpaa hingir atse, sanker tim, anmgbianev kpishi Ter Aôndo ma U shi de se wer se va gba sha ikyum You, Tor u Uma shin Sheol mba wuese We ga yô Tor, ma U de se uma sha er se va zamber, shi se civir We yô

×2
Ivur 5

Shi gema ase ishigh, You Aôndo shi kegh ato u ungwan mbamsen asev Ahii! Tor u Uma shi naregh ave Ou sha er U yima se yô, alu ma mtsaha kpaa Ter se yô guda ma se ye sha ikev You, We u zungu mhôônom

×2
Ivur 6

Se mba a tahav ga U kende se sha ikyev ve yô vea tim seaoo, We U ngu a agee, yange U na Gidion a tim ikpila i Midian, U na Davidi kpa hemba Goliati, U tese agee Ou or a laha iti You ga

×2
Ivur 7

Kpa mbera mba ve fe iti You ga la U kende se sha ikyev ve yô, Ter U na ibumeor, wegh ku ibiemegh yô vea tim! Vea tim se je ior a pine kwagh sha u lahan iti i Ter, er Aôndo u Uma ve la yan yem zende shin lu tese agee ga, i wua ve ken taaikôngo?

×2
Ivur 8

Aôndo Wea rumun yô yima se se har ityoughlov, se wa icam se kende a iti You sha icivir ser, wuese Ter we Uma wam, wuese Aôndo Tor Utsôron, ga yô A de u aferakaa ou cii, A bee u angev dugh uma wou ken mtim A er u, akaa a dedoo sha mhemba Na,Ter Aôndo u A yugh gbem ga ne Ter sen ungwa se msen

×1
Ivur 9

Aôndo ungwa se msen, de se ibo yase yima se se har ityoughlov, se wa icam se kende a iti You sha icivir je, wuese Ter we uma wam, wuese Aôndo Tor Utsôron, gayô A de u aferakaa ou cii, A bee u angev dugh uma wou ken mtim A er u akaa a dedoo sha mhemba Na, Ter Aôndo ken iti Yesu Ter sen ungwa se msen

×1
Oricam
Terhemen Oscar Aôrabee