Yongo yô ka kwagh u a lu u vihin yô, anmgbianev se hime nen a iyol ase.
Hime iyongo a anmgbian wou kwagh u alu u ibo yô de kera cian u hiden hen angôu ga guda va hime i bee, iyongo i nan ku oo anmgbianev i himen iyongo, iyongo i nan ku Yakob fa tsuaa hime iyongo na.
Iyongo i himen jim ka nyi? Ka u zuan a anmgbian sha kwaghbo u yange va nyôr ne, u a nan ve ne zuan ga la, u hide iyol jime u tesen nan er yange la yô u fa ga ve i va hingir iyongo, nan a washima nan a zungwe u tsô, nan a rumun yô anmgbianev, ne yô ne hime ayol je
Ngise Isaka lu a ônov nav uhar, lu Isou man shi Yakob ve mba nomso, Isaka gema bee iyol, ayange kar un kpishi, tsô a yila Isou wan-iunda, kende ôr kwagh a na kaa er, wan wam u iunda, wan wam oo ayange karem ve mough tôô, ikyav mbi ikyôrov you za se za ker inyam i doon, swase u doon va er kwaghyan u a doom la me ya, er me na u iveren yam yô
Heen nahan Rebeka, ta ato ungwa er Isaka, nyôr idyu a wan-iunda ikyaa i iveren yô, tsô a yem idyu a Yakob sha ayom ve er ayom ne kôr Yakob ngohol, iveren i wan-iunda, shien u Isou a va hide, shie wan-iunda a va hide mbativ va ngohol yem
Ka zum u Isou yange a va kav er angô na ngohol, a ngohol un iveren la, vihi un i hingir iyongo, iyongo van a ihom ior i Ter mba ungwan kpa, shi i paven se anmgbianev, ka i na ve zua ga, mban kpa zua ga wan-iunda hii num a na yem shir
Vihi kpishi, gayô ken Nongo u Kristu, ikpilaior i lu ken Nongo u Kristu mbagen shi ngohol ieren i yolough iyongo na ve mba zuan ga, mzough ngu zeoo a er nan ve se pase ior mba ve fe er Ter ka Oryiman ve ga ve dondon Tor ve war iyugh, se a zua ga yô se mba mba pasen Loho u myom ga
Hime iyongo, Yakob tese se oo anmgbianev i himen iyongo Yakob kav mvihi la hide hen angô na zamber, va zamber, a na iwua u surun angô na shima, er ve za zua yô ve umbur er yange ve vihi yô oo, ve kuve ayol ave ve vaa, mimi ve hime iyongo la, yô anmgbianev se hime iyongo i de va timin se ga
Aba Tere pav se, Ter pav se a isholibo ne yongo i de vihin We ior zeoo Aba Tere, iyongo ngi hen avese inja er ka inyamkyume ken atô u iyôngô yô Aba Tere, orkuran kpa ngu ayemoo ikyumiyôngo, kpa num ayem ka mtim tsô vea tim ye, Tor u Uma zungwe ga or waren a va lu sha won ga
Yô Tor Ugbem, pe se yen la we U fa Oryiman, yima se, pav se, a isholibo ne se de va timin ga
Yange se u henen, sha gbenda u ifer la, Jijingi Wou A suwe se, A na se mzough Ter ve se kuma u yan dyako u tar la ye