Imba chia la, i doo ga mimi ngi tesen je er kwagh u yange via er a we shin, anmgbian shin ma huror, wou la yô a doo u ga cii, tsô u wa ken ishima je wer kwagh yange un a zuan ne yô u or iyev a bunde sha won ga

Tyôkyaa ne, na yô ihom man i ya tor dooshima pande, a pande jim jim nenge, anmgbian ka a ta wegh sha vanger, a mishi a ta hwa a kaa a u genegh “er i lu tsô” I lu tsô a tsa nan kpa, yange kwagh a zua se, mbagenev yô nenge u sughun a sugh, ayol tsô kpa ve de sughun

Ve kera fa er Bibilo, mimin je i yange iyev a vese ga yô mba oron i sha agee ve je, kpa me pase ne anmgbianev, iyev i oron ka tom u Tor Yehova ka u wase ga cii mbera mba ve feityô ka or a er nyi nyi kwagh i bo a ve je kpa, ve yô maiyange mba oron iyev je ga

Ka nahan, se ungwa ken Bibilo yô yange tor Saulu yan kôr, Davidi, ihom je lu tôvon un a ku, kpa ungwa nen Davidi u tingan yan venda a or iyev ga, yange de Saulu uma ken bar u Engedi man hen pev u shiv, maiyange a wua un sha won ga

Shi Sefanu kpa yange er kwagh doo u me pase ne anmgbianev, yange mbaihomov nav ve zua zwa sha ana ve ta un awen lu nôngon ku kpa a er msen, akaa er Tere de naan ve ibo sha isholibo ne je ga, Sefanu u ti yan de ve a ibo ve cica

Anmgbianev, ieren i Davidi kua shi Sefanu yange ve er la ngi tesen ikyav je er alu ior vea penda bur a vese ken tar ne je vea lu wuan ior mbagenev je kpa, se gba deen ve ibo tsô ken iti i Yesu

U den ior ibo tese er mimi ve hemba a hemba ga, kpa ka sha ci u Ter wase Ter Aôndo A zua a icivir, ka sha nahan ve Yesu iyol Na kpa yan de Mbayuda nzughul a Na je zan zan ve za mande Un sha terankon kpa A bugh zwa Na ga ye

Anmgbianev, yô se cii se sôn nen Yesu A dugh i lu tsô u a ye tor ken uma wase la, sha er se deen ior ibo ve nenge injar i uma u tsôron ngi keghen se Sha