Ken tar ne, ior mbagen mba ken ican ibanave, ijen kaa kwagh a mbagenev, mba vaan ningir, mbagenev iangev wa ve igbe, ve tema u vaan a Ter Uma, ikyôm zenda mbagen sha uya, mbagen i wuhe ve ka sha ishô ve mba vaan a Utsôron, Tor tema Sha ngu di ungwan a va kuma Utsôron Un a lan sha won ga

Ngise i za wuhe Yosev ken gaadi lu vaan, Utsôron lu ungwan kpa Aba bugh zwa ga, lu a kuma ga yô yange zamber a ortom u Farao, er u yem yô umbur mo, kpa yange or la umbur ga, ka va kuman yô Ter Aôndo umbur Yosev na un tom, yange ya tor u tar la

Hana vaa, lu vaan wan anyom imôngo kpa a vôr je ga, yange gba num ga, yange yina ishima ga, Hana wa shima kegh Ter Aôndo, va kuma Ter wase na un Samuel, de yinan ishima maiyange ga,Ter wase kav, Tor u Sha la yaven ga

Ka wea yina ishima Ter wase A yuwe u anmgbianev me pase ne, lu yuwe Saulu shi vihi ishima a Aberaham sha ityôkyaa ne, Ter na zwa er i zenda kpankwase la due sha a wan la, anmgbain wam-oo, we de yinan ishima maiyange ga

Anmgbianev, Tiv ôr injakwagh er, cilakem tsa sha kon nan kpa gba hen inya anmgbian wam, de vaan je ga shien u mbayuda va mande Yesu sule sha kon, ve gba di ôron ken ayou, tan ichin er or ne mimi ka Tor, anmgbian wameoo, shie kuma yô mbaihomov, ou vea wa ityough inya

Se mbadondon, ican alu eren se je kpa, fa Ter ver shie, ia bee keng keng, i er Lasaru bee, shi i wa Yobu kwagh, venda Aôndo kpe, kpa taver ishima her zan zan i va bee ityô yam, shien wou a kuma Ter A fa mbagen yô shien ve ka sha tar u Sha

Jijingi u Ter Aôndo, gba ishima i wan ken mo ken ican, er me kera lu fefefe ga me keghen er Sara yô, Rutu lu wa shima kegh Utsôron yange myom due ken a na, mo kpa alaghga tsô yange kwagh u injaa a va due tsembelee

Jijingi U Ter Aôndo wa se ago iyol u keghen shie u Aôndo A ver se, ican a lu nan kpa se wa shima Ter wase Aba yaven ga