Aôndo undu se hegen ne, er se undu imo i Ter Aôndo se lu hôngor a tar yô.
Aôndo undu se hegen ne, er se undu imo i Ter Aôndo se lu hôngor a tar, man ican i lu seer a seer sha ayange ne zan zan ye.
Pe iyange lu, sha ayange a Asa a lu tor ken Benyamin, man Yuda, man Eferaim la Profeti Odedi pase, pase ve wang er ne undu Ter Aôndo A undu ne, ne ker Ter sha mimi ne zua a na mmem alu tar wen
Er Asaria wan u Odedi taver, Asa ishima yô, un kpa a za dugh akaa a hôngorough ken tar na, ior i Iserael due kpishi kohol un, lu sha ci u ve nenge Ter A rumun Asa mmem lu tar na yô
Mmem kera ngu ga, Najeria, Afirika, tar cii nenge mmem ngu ga, Aôndo tôô iveren Na sha, se undu Tor Yehova A undu se ve, bem kera ngu ga uma u or hingir inja er ka anikyegh yô, or ngu a sôngo anmgbian u nan kunya u kôr ga, man shi, iv mbu hegen yô ka uumace ior, ve lu iin ye, idya man ityav ubom ku-or ka beer-kwagh, se undu Ter Aôndo undu se, ve tar u gbuusu ye
Alu u ker Ter Aôndo yô u zua a bem, u undu Un a undu u, ior yem akombo, kua ieev mbi civir, iyol i wuhan i hegen ne, mkposo u nomsoor vea kwase ngu ga ka hôngor tsô, mbagenev di undu Aôndo u mimin ve yem uivande mba keren mba taregh je, ka uivande se lu dondon shin ka Yesu Tor? Doo u se dondo Yesu shi se nyagh, akaa a Bibilo i yange se u eren la
Shie ne kpa Ter Aôndo wase A tindi uprofeti, mbatesen a mbaivangeli, ve mba pasen,Yesu iyol Na je kpa yan pase er se dugh, hôngor ken avese, zan zan je yô A haa awambe Na A ese, hôngor wase, shi u se ker Ter Aôndo sha mimi se kera za, hôngor a iyol, er igo ôô, iyol yô shi va gba shin angbiôr sha won ga
Ter Uhembansha, ka sha jighjigh u nan Ter Yesu, la se kuma u se dugh hôngor ken vese ye Tere, er Asa kpa iyange dugh hôngor ken nongo-ior na, Icighan Jijingi a suwe se, se dugh hôngor sha ken avese, se ker Ter Utsôron, bem a a gba mmem, kpa shi un a lu tar wase
Se mba undun, Ter Aôndo shi se mba dughun akaa a hôngorough, ken tar ne ga, ve ican i neer iyar sha avese ye or wam, kpa nenge ican i vesen yô ka igyamusu la ngi van, se undu Ter Yesu hegen yô, iyange la Ter Yesu A er shiada er M fa ne ga.
Kpa se ker Ter Aôndo yô se zua Na, vough er Asa yô, ican a bende se ga, bem alu mmem kpa alu, dooshima alu ken Afirika, Najeria zan zan je se nyôr tar u Sha