Se zamber,We Tor Ugbem Ter va yima se he,Yawe gema ashe nenge, er kunya kwagh u tser se yô

Tar wase hingir tar u hanma ifer, i ngbough ker i de ishar yô, ior mba eren i sha gbashima, ve kende iti i Ter Yesu yem gba ica

Ifer tema tor shin tar ne cier iyol zan zan, hegen yô gema ka lun inja er perapera ngu ga yô, idya man iwoo-or kua iv, tar ne, Ter wase yan er u lu sha kwaghfan Na, er kwase a nom u nan, man shi, nom a kwase, kpa tar ne venda, kwagh shon hen ian i hegen ne, i hingir kwase a kwase, nomsoor di a nomsoor, man ior mbagenev rumun, i hingir tindi hen tar ve, gbaaôndo jim ngu been, ifer ngi yaren kwan, Ter Aôndo oo nenge, kunya u tser se ne

Alu u nenge sha ahir a batur, u nenge er tar u vihi a kunda u iyol zan zan, kwase ngua tile dyelegh deleghee kpa a ya ishe ga, ior kpishi ve gbaa kenger nan dyelegh di tsô, man mbagenev yô ka kasua je ve yôôn ye, a lu zendenya kpa ve wa ikyo ga, sha ci u inyaregh ve wa ikyo ga, ve hingir, u nan ayol ave sha kyev i nyinya, shin ma iwa urum u gbaaôndo kar yem ifer ngi yaren kwan,Ter Aôndo oo nenge kunya ngee zan zan

Ngise U nyôr ken tso, a mbahenen Ou yô mngerem gbuusu tso, gba nôngon, un a tim a ior mban U fa nyian kpa U bugh zwa ga, kwagh gande ve tsô ve yila Ter wase Yesu, Yesu va yange ahumbe tile ving, kwagh môm u vendan u ungwan We yô ngu je ga, i yase ne kpa Ter U kaa imo tsô a wanger se

Yô mbadondon, se se kera tume ityough, ken mvihi ne sha won ga injar i mvihi ne i nyion, se paregh nen man shi ne mba ne lu ker la kpa shi due nen ga ne war iyugh Na ga

Ter Aôndo se yila U ve shi va yima se he, ga yô tar wase ngu zan u guusu inya