Kaan,Tor kaan ka bundu ga,Ter wase Aôndo, ka Un a ôr kwagh A er kwagh keng ka bundu ma shien ga

Ka or, ve ka nan kaa er mo me er ingin a va kuma, ve nan gema zwa, nan kaa di er zwa kaa, u kaa kwagh môm ga kpa nenge Ter Aôndo yô geman ga, ka Un a ngôôr je kpaa u bunden ngu lun sha won ga

Ngise Ter kaa a Abraham nenge u mar wan u dyakoo je, orikyôngo nan a ya dyako wou ga pe A kaa la, er ngôôr nan kpa bunden je ga, shie kuman tsô Ter Aôndo na Abraham iyol Na

Shi Ter kaa a Noa, er tso me tim tar ne sha mnger, ci u afer ave, tsô Noa pase je kpa ve gema ga, mba tesen iwo ve lu tesen mbagenev tese ikon, ior mbagenev er tar gbanger, a er nan, mngerem ma a tim tar, Tor nôô ura ayange lu ayange akunduahar, tar tim nenge Tor u Uma geman je ga

Tar vihi, Ter kaa er Un a tindi se a Oryiman tar ne, i ningir juu kpa va kuma tsô nenge i mar tar Oryiman, Ter Aôndo na se Wan Na u môm A va yima se ye Ter kaan geman ma shien ga

Pe lu je la, sha ayange ase a hegen ne yô ka berusu Ter ôr tsuaa er shie a kuma akav a lu tesen, A ôr kwagh u ityav mbi nôngon shi kua bouange kwagh ne gba eren ve

Bouange ne nyôr hen ayange ne a samber mbu wuan ior, ior mbainyarev, mbaatsanev kpaa mbu wuan ve, shi mba sôron kpa mbu tswer ga mbu wuan ve hingir gengee hegen ne kpa Ter wase yan vande ôron

Sha kwagh u ityav yô, hingir hegen pe teman ngu lun je ga, ior zende a ikyav sha ityo shien ne ve vôr cii, kpa mbadondon m ngu umbur se mer Yesu zurum Tor kaan ka bundu ga wa nen iyol shien kuma

M ngu pasen we tar, gema se nen asema ga Yesu zurum, Tor kaan ka bundu ga Ter ngu va timin tar, or a gema ga ka ibo i nan, iyange la ka u vaan, man u yan anyi ken berusu a kera bee sha won ga

Kpa se mbadondon yô, yange la se ndera icam i he ser Uwang Uwang Waang gbem a kera bee sha won ga