Ungwa nen, yange tor Saulu undu Ter Aôndo u Uma a wa iko sha imo Na ga Ter kaa a Saulu er, mough za tim, mba Amaleki cica ma kwagh môm, kpa de tseghan ker ga, er tor Saulu a za hemba Amaleki ityav, yô a kôr tor, tor Agagu uma shi a ya ishar, sha ilev mbi kehen, ishima i vihi Aôndo a na zan zan je yô mbamsen nav kpa A kera kegh ato sha u ungwan ga

Aôndo undu tor, Saulu je yô nenge, iyange igenegh Mbafiliti ve va kase ityav, er vea nôngo ityav a Iserael, ishima i ta tor kwe a gule msen, er un a pine imo i Ter Aôndo, a pine Tor uuma A bugh zwa ga, a pine sha Urim, ken uprofeti A bugh zwa ga, kwagh gande Saulu a gema iyol, a mough gba yemen

Tor Saulu gema iyol, yan mough tugh gba yemen ishor ken kwase u Endor, er za nyôron yô kaa kwase la, er a yila Samuel shin mbakpenev un a lam a na, er Samuel yange va penda ishigh, yô a pase Saulu jighlii er u undu Aôndo Ter A undu, u Ter ande tartor wou, A na Davidi, kper u va kohol mo shin mbakpenev, ka ihembeato you i ne u ku ye

Ka wea undu, Tor Utsôron yô Ter A undu u, ka wea venda imo i Ter Aôndo u hemba Un ato yô, Tor u Uma ka A yuwe u zan zan je mbamsen, ough kpa A kera kegh ato sha u ungwan ga

Se ungwa ve yô se mbadondon, se ver asema Amalelki, ahegen ka Satan, Ter na se ian er se tim diabolo je ishar, kpa se de yan ishar ga, se a lu peren atindi a Tor uuma yô ka ishar, se lu yan ye, se venda imo i Tor u Uma Tor u Uma Un a kende se yô, ape wase u shi se suur ityough, un a lu sha won ga

Mbadondon mbagen mba geman ayol, nenge ior mba zenden ijende i ken myer, eren angereke, kpehen asor, iv man idya ka mba geman ayol,Ter Aôndo undu ve ve hingir ta-te-ta ka vea yila Tor u Uma shie u, kwagh a tser ve kpa Ter A bugh zwa ga, ka ve shi pinen er ka nyi Aôndo A undu ve umbur nen, ne hemba Aôndo ato ve Ter A undu ne ye

Anmgbianev, or u Ter A undu nan a lu se nenge ikyôr kpa ngi kera, laghen nan ze mkur u nan doon ga mbadondon se ungwan nen, imo i Aôndo Yesu u lu Aôndo iyol Na, je kpa eren kwagh sha imo i Ter Na, man A kule tom A yima se ye

Se kera gema ayol er, Saulu a gema ga, Icighan Jijingi u Aôndo iv se agee, er se eren kwagh sha imo i Ter Aôndo Un a rumun, se ve se nyôr tar Na ye