Ishima yam, shima yam shima yam memem, kwagh u a ban u la Ter Aôndo fa, Tor ngu akaa a Un a na u, hen shie u i doo Ter u nan we yô

Wea lu a ma kwahyan ga je kpa Aôndo fa, a lu ikondo i zeren, inyaregh kpa mem shima yam, ka sha kyum i ngô wan a lu ye, wan a kpe ijen sha ikyum i ngô na sha won ga

Bua u tôndun tsa Aôndo Ter huren un iji Ter Aôndo fa ishôhô ia faityô u unden kon ga yô kwaghyan u ishôhô kpa za lu sha kon mayange ga

Ngise Elia lu ken gbor Ter wase koso un ker, Iserael ken ikyôngo, lu ve yar tom ga ve tsa ijen ga, ve zende idyelegh ga Ter Aôndo lu koson ve, Ter yange, ikondo kpa yan i ande ve ga

Nyon i sha man ishôso cii ngi sondo ngi koson, ga kpa ngi yan, kape Ter wase Yesu kaa la Tor Solomon a civir na kpa wuhwa iyol, na kuma sha u imondon mba ken toho ga, man mba te mou ga mba yamen ikondo ga cii, kpa nenge, ve mondo doo je hemba utor

Mba i hembe ve ken tar ne je kpa mba tsan ijen ga Aôndo Ter koson ve, kegh nen ato ungwa nen kwagh, avange u pirin ashe lu sha ciha, tsô ishondo i sha ciha cii fa er vange kpe ve, ci u ma yange vange la zenden ga yô ishondo la fa er a kpe, vea sen vea va ya inyam va asu asu ve, mbadondon, ishondo i va nyima vange la a kôr a ya, avange kera kpe ijen mayange ga

We u ishima i lu memen we ga ci u, kwagh u uya shin u zer la, inyaregh shin nyi kwagh, mem Tor fa se asema A fa akaa a gbe se, man kwagh u Un a na se shie u i doo u Un a na se kpa Tor fa, Ter wase tsumen nan se ma kwagh je ga

Kwase u a yer iwer la kpa ngu a ishima ishima yamoo, ishima yam, mem kwagh u a gbe u la Ter Aôndo kpa fa, Jijingi A iv se sha er se kera yina asema mayange ga yô