Pe yange i lu la, yan Atalia tim ônov mba wan na a tim ve cica er un a ya tor la kpa, Yaweh yer di Yoashi, wan-tor u Yoram anmgbian u Ahashia va tôô un, shien la Yoashi a lu mehelee

Een ka hen zum la Atalia kar tema ikyônough ki shonogh, kpa shi ikyôr-ikyange yange za bar ga cii i va dugh un iam kar ga

I bur a bur Atalia, lu sha sanker yange i wua un, ka hiden fele a Yoashi, i na un, tor Yoashi tema tor ken Mbayuda, i lu ding ding iember lu yagh yagh

Anmgbianev, kape sha ayange a hegen ne ken tar ne kpaa, ior ve lu keren hemen la, hingir ku, i hange ve tsugh-tsugh je hingir er ka keng u vea hemen

Hemen ve mba keren er Abesalom yô, mba yamen a yam ior, shi ôron ve er ve kom u hemen ikpilaior yô, shin er tor a tem a lu sha ikyôn, kpaa shi ve ya ishe ga, er ka keng keng ve kpa vea hemen

Hemen ve mba keren er Atalia er ken tar u mbayuda, wua ior beer mba yange a fa er, gba u tor ne ngu van zan ian ve la, a tim ve bee man a tema tor

De wuan ior been, wer saa u ya tor sha apera ga cii Aba Yawe Ngu nengen, Ter Un a or iyev la ia kunda iyol sha won, kwagh u Atalia la lu kwagh ga, we yô i you alagha ia lu sha ikyov ikyov

Anmgbianev, tor u yan sha mimi ga la, Ter Aôndo rumun un ga cii nenge er Abesalom va kule yô, ior kpe ku ken Iserael, ityav tim a tim ior, ken masejime yô Abesalom, yem ityough tingir, hange tyough sha, i lu sha kon u terebim, i kunda iyol gbong

Se de nen, ior ayol ave ve nenge a m-kom ken vese man, Aôndo A na ian ve na se tor ye, gayô a lu hange a hange se yô anmgbian se za kyula ga, shin se a ya tor la kpa ikyôr-kyange a za bar ga

Hemen u Ter A nan se ken tar ne yô ka u taver je ga shi mba kperan u a kperan ga, ka wea lu shin angbiôr je kpa, Aba Tor Ngu A za due a we, shi A va na u mfe u hemen ikyurior