Ter er tar cica nenge nen anmgbianev mbadondon A cion inya man A er or a min fehe nan iôôn ka ia lu ga yô nenge nen uma due sha nan hide hingir inya

Ter Ngu a wa, ura hen zum la se nenge abeen a kohol i cier iyol u nengen, Tor u uma ngu A nôô ura hen zum la u umace ve haa ayou, ka Un a nyiar Un a dura hanma kwagh u a lu yô ngu a cia, agee a Tor u uma Ter kuma iwuese

Shi zegemnger kuan ka han man ngu a shi yemen gbem, shin u ivin hen ijiir pe a lu haan la yô ka hanma shien a iv jim, Tor Utsôron se mba nengen agee ne gande ipuun ka u wuese tsô

Mlu u wan, ken uya la kpa a tese u fan agee Ou, ngu a uma ker U shi koson un, man mfe u ken nan jim jim la yô ka an nan fe, man u maren la je kpa kpiligh iyol, or u uma ngu a tema, a shi a gba di zenden ka agee Ou

Ka han liam i lu ken or la ka i lu man i va i va due ve ior ve shi lamen, or a fa yô nan kende wegh, mo yô ityom la gandem ka u wuese tsô

Pe Davidi kpa a kav agee a Ter Aôndo, Davidi tôô adigyuve yan gba kuhwan wuese Ter wase Aôndo, sha Atsam a wan je lu vinen amar, mo kpa er m kav agee Ou yô ka u me mem u wuese Aba sha won ga

M sav a sav agee a Tor u uma m ter ne, ior a ungwa mba ve lu a ato yô ve wuese Tor, gayô a tôô Wan Na Yesu môm A na sha ci wase, A paa se ityough A na se uma, agee a Tor u Uma Ter kuma iwuese

Anmgbianev va nen se wuese agee a Ter u Uma, mba ve ve yô vea va war, mbera mba ve ve ga yô pe vea tim la, igyamusu ngi sha ngi keghen mbera mba ve ongo ve ve ga vea tim keng a bunde sha won ga

Suwe se Tor Utsôron, na se Cighan Jijingi, A va lu a vese u wuese We sha ityom You i ageegh, Aôndo kuma iwuese yô we tar va se wuese Ugbem