Imba ikyaren i m kar ior, ka ikyaren shon je mo kpa a karem, imba ijir i ne er ior la fa nen a va ôr ne i.
Ne mba ne lu nzughul a ior la, Tor u tsôron Un a nzughul a ven iyange i ijir, mba ve vende Ter Yesu A venda ve sha yange i m hide Na, kpa mbera mba eren ishima i Tor u Uma Ter Un a na ve ishô.
Iôron ne Ter ôr ikpilaior u pasen ve er kwagh u u lee u va sunda, ior sunda kpishi shin tar ne se mba nengen ungwan ato ase, ornyar lôô inja i dang hen Lasaru sunda, kpa lu mliam tsô, kwagh u Mordekai a Haman yô yange a za nena? Lu sha kon la yange Haman hide kpe shamin ye, tor David, kule ijir, ijir i anyôngo na ibo ortyom kaa er tor, tor ka we u lu or shon, fa nen anmgbianev oo, imba ijir i ne er ior la a va ôr ne
Lu Tabi er erdoo Aba zungwe un, zum u a kpe ken Yopa yô yange Yopa vaa juu, lu tesen ave er yange a zungwe se Tabi fa kwagh je,Tor u tsôron Ter yan zungwe shi Tabi hide mough sha shin mbakpenev, lu u er inja i doon iyange i ijir la yô u mgbough a iember
Hegen ne mbagen mba nzughul a icombor i gban jime er ve ve mba a tahav, shi ior mbagenev ngohol ônov mbagenev ajiir a shiren, kpei ahii mbagenev ve hingir u yan atsan ken gaadi, man ka ibo ve ga, ka ikyaren i se kpa se kar ior la a va kar se kpa a min sha iyange i mkur ka ijir i se er ior Tor u Sha A va ôr se ye
Anmgbianev, ken Kristu je kpa mbagenev mba kur ior ajir sha mimin ga ka mba awashima, u za nyôr sha ajiir a tyom a ken gomoti yô, i ndyar ior mbagenev angahar, kwasecôvor yan ishô ape kwagh a zough nan ga a vihi kpishi, anmgbianev ne mba ne lu a tahav sha ikyev fa nen, Ua ne ne Ter tema ving ngu sha kenger se
Ungwa nen yange orgen lu hunden or ne vaan hen tor ci u ma un ye yô, or a kaa er fa Zaki wea er a doo fa wer u er iyol you, wea er a vihi yô ka iyol you u lu eren ye, zer gbem shima va vihi kwase u tor, wa icigh sha beredi gema na un er a kpe sha, sha iyange la or ne man er kwagh
A yem a za gema aver, lu ôôn ishigh tsô ônov mba tor mba gen shi gba va karen yemen, er mba nengen a Beredi ne yô ve tôô sha agee, er ka ngô ve a lu vihin kwaghyan u nan anor ne gbem ye, vea ya sha i vihi un tsô ve za ya ve uhar ve kpe cii kwaghôron u orihundu ne za due keke, wea er a doo iyol you, a vihi ka iyol you je fa wer u eren ye
Ter Uhemban, Jijingi A ta se iwanger se kav kwaghôron ne se a kule ijir sha mimi ka iyase, se a nzughul a ma isheeror sha aci u tahav yô Tor u Uma Ter Un a de se ga kwagh u a doo yô ka u se cii se lu a dooshima, anmgbian ugen a doo se er se kpa se doo Ter wase Aôndo shima yô