Ve hungur a tar ve, idyako u uma jim je ve kende, ku! Shiror lun a kwar, ken shir u nan ga ka hen ityô i nan or wam, umbur nenoo! Shi henen shin shima

Mimin m ôron ye, mbagenev za shir i gbidye i zenda ve, mba i de ve je kpa mtoghor ngu, mbagen yô yevese ve yem tar ve

Yakob, yange yem shir ken Padan Aram, shir lagh Yakob ker kpishi, zan zan je yô ter na kem Laban, kpaa va gema mohol ishigh a na, kpa Ter Aôndo yô lu a na, Ter na ian er Yakob a due, a yem hen ityô na,Yakob yila Rahel man Lea a pase ve, ve rumun tativ mough yem, yange ve yem tar ve

Aluer, shiror nan a ya idyako, ken shir Un an yô, Mbaiserael, ma ve yem tar u Kanaan hana? Ve lu shir ken Igipiti kuma, anyom je a kuma deri unyiin je kpa shie va kuma Ter Aôndo yô A na ian, u ve due yô Mose va hemen ve tsô ve yem tar ve

Se u umace sha won, se mba shir ken tar u ican u diabolo ormee, kpaa Tor u uma tindi Wan Na, sha u yiman se, Tor er tom ne sha ci wase, Oryiman,Yesu ya atsan kposo, kposo zan zan, i mande Un sha kon, lu sha ci u se se undu tar ne, Oryiman, Ter hemba ku nder A yem sha ya u Aôndo, ngu za maan se ayou

Ka tar u u mngbough a ayou, keregh yô mzungu kpa ngu ker je ga, ican i uange, ku man Hade mba ker je ga, ican i ijen shin shima i vihin ga

Alu ne undu tar ne ga kwagh a va tser ne, lu vande timin u kpa sha mnger, Tor nôô ura ura tim tar, saa di Noa yan war a tsômbor, man hegen ka sha usu ityô yam, Ter A tim tar yange la, mba hemban ato, vea zamber kpa vea war je ga, mba ve dondo Yesu a jighjigh mô a hia sha won ga

Gema nen asema fefa se dondo sha Yesu, Oryiman wase a jighjigh, se undu ifer, Oryiman wase A rumun se u nyôron,Tartor u tsôron, se ya idyako u tsôron