M umbur ku u Naboti oryesereel, kpa iyange i lu imba kwagh ne, a kuma tor Ahaba sha sule ikon i wain dyako u uter nav na un ga ve a lu keren a ngohol u Naboti rumun ga ve i kôso un ku ye

Yesebel kwase u tor Ahaba, er mhen i nger, ityakerada tor wa wegh tsô i tindi i hen mbatamen, kua mbatarev ken gar na cii.Yôôn er i ver Naboti sha ishigh ki ior shi ve tsuwa agbilinaior ihar i ver mba eren aie ve kaa er, a tuhwa Aôndo kua tor yô, i due a na ken won i ta un awen i wua, or kom mbagen sha kwagh ga ne lu wua Naboti ye

Alu se nenge, sha ayange a hegen ne kpa imba ne ban je ga. Or kom mbagen sha kwagh ga yisa, sha igbinda gbe gbe kondo ato iku kpaa swamen, i wua ior mbagen ga kpaa i ngohol, ve inyaregh je i kende, ve deleghee, ve mba a kwagh môm ga

Or kom ior mbagen sha kwagh ga ne wa imô genegh va nyôr ve, nenge laria ngu tsaan ior mbagenev yô, or ngu a mar wan u nan a tsaa nan ga kpa mba, or a kom ve kwagh ga ne nyôr a iwuhe ihom mpav man anger yô ngu dughun ior a asô via ka u wase ga a yem tar na kpa nenge laria hembe tsaan mba ve lu a kirigh yô

U tor, man ashagbaior a mbainyarev yina ve hana? Mba via nahan di kpa hembam sule na doo hemba, u wam mbagenev yô ônov mba via, ve hen takerada, mba i hemen mo ken tom gomeneti, mba via kuma sha kwase na ga man i lu mo ne ve ngee gande sha won, kasev mbagen di kpa, ka di ibôr shon i dugh ken ijime ye, m sôngo nor, m kende inya oo! Tôô ase ci wou la mo kpa m tôô ayagh u wam, ga yô a mba la m gber ikyagh imôm vea mba iyange ve wua Naboti la

Ter wase Yesu kpa iyange kuma ior Mbayuda u lun tor ga, ve kôr Ter Yesu ve er Un ican kpishi ve mande Un oo! Lu agbilinaior ve ger amo ye, “er i mande” i mande Yesu Wantor u bem keng, anmgbianev amba la a nyôr ken Icighan Nongo u Ter shin i lu ungwan a yôôso?

Mba kaan er Ortese ngun se soo inja na ga a yem, tar na ne ban hana? Ior mbatesen a mbavangeli man mbatamen ne kpa ungwa nen iyôngo i Ter Aôndo A we ne sha ikev ne kpa shi i gba ne kwagh se de nen Ayôôso ken Icighan Nongo ga or atakpa a gba megh yô ka an a sôr ityô yam? Se mbadondon yô se paregh, kwagh ne

Imba kwagh ne Aôndo tsahan i je den ga, mba or a kuman ve sha kwagh ga ne mba ungwan kpa? Tor Ahaba iyange wua Naboti tôô, sule u wain u Naboti kpa a ya u ga, a tim a tsombor na, tor Davidi kpaa wua Uria tôô, kwase na mar a na kpa wan kule iyange ga, anmgbianev ka a fa amar inumum i kera, lu ga ve m pasen ye

Jijingi u Ter, wase se sha er se kpa orgen a kuman se, sha kwagh u Ter A ne di nan la, man iyange mhir u Yesu se zua a iember ye