Kwagh ne lu er a Mose ken ikyôngo shien u a lu kuran Yetero ilev la, a za ar pe genegh, gem ashe yô nenge ageva yeghen war war, kpa kenger dedoo yô ageva la lu hian ga, kwagh kpiligh Mose iyol gba gbidyen ikyarikase kporom sha u un a za fa yô imo kaa er tsua akov man ve u kporom ye

Mose kpa taver ityough ga fese je a tsua akov haa kera, kar yem, za nyer yô lu Tor u Sha va tile lu ken ageva man lu yeghen a yegh ye, Tor ôr kwagh a Mose er M ande ka u tindin we, za duem a ior mba ken Igipiti la

Myegh u usu ken ageva hegen ka M-ande u Tor u uma A anden hen ior yô, man akov a imo lu ôron er tsua keng keng la ka afer, imo la ahegen ne ka Bibilo man mbapasen kwaghaôndo shi imo i ken asema a ase

Hegen ne kpa Yehova Ter wase Ngu anden hen ior ningir er Un a tindi ve yô, usu yegh ken ageva hen mbagen ken uange, hen mbagenev ka iku i ior vev man iwan, je kpiligh ve iyol tsô ve va nyôr ken Cighan Nongo, mba a afer her poo, mba tan ve icin er ve de ifer man Ter A rumun ve ye

Mba shi tan, ve ichin er ve kende idya tashi man iv kpa mba ungwan ga, hua man msange u sangen sha dooshima man aie, m sav a sav tsô, ne undu hanma ifer ne faityô u duen a mba ve lu ken shir i tar ne yeoo, Mose tsua ve Ter tindi un a za due a ior i Heberu shie la ye

Ken Cighan Nongo hegen yô ka mba, ve vende tsuan akov la je ve va ngee ker mba manger ye, mkposo ve a mba ve tsough akov hingir ican, ve yange mbagenev kpishi u van ken Cighan Nongo ka amba a ior ne i sange ve kpishi hemen, ken iniongo i Kristu ye

Kende nen aferoo ga ne va tim, Yuda lu orhenen lu a Yesu tilin un ikpa kpa se ungwa a kende ifer ga va kule yô, shi Anania a kwase na, ve va nyôr a ayom ken Cighan Nongo, ve hen er or a fa ga kpa Jijingi fa wua ve sha, ne kpa i lu tan ne ichin ne ne de afer ga yô ne va za tim cii

Yô gba Aba Tor u tsôron sha ikyum zamber a Na wer Tere, m zende sha ishigh You ica gba kpa m ngu a fa U ga, m ngu afer ken mo shi wasem, m undu aoo u zamber ken iti i Yesu u undu a ye, doo u ma ne vengese hegen, u ian i shi u waren ne