Er i ne ve m ôron kwagh kpa m fa ga, m nengen kera ka Aôndo man u ungwan, er m ôôn jim kpa mo m fa ga, shie u yaven man u nderen kpa ka Aôndo, U er tar ne sha kwaghfan, U ta hindi i gande ôron

Ikyarkyase i gbidyem iyol a ityom You, tsô m yem u henen pe ka U yer ura, a kuma U ve U gba nôôn duran a dura, hen ape U yer ura la Aôndo, ma or fa ga, igbetar You gande ôron, umace se a fe yô, man se na Aôndo icivir Na

Tsô m gba kenger, sha abeen yô m uva iwer mer U hemba ve, m kenger sha yô m nenge abeen nga gbe yemen, sha kwavaôndo shaala yemen gighikiki, abeen a ndor abeen a pupuu man a nyian, shi a il dimiin, Aôndo er Tar ne sha kwaghfan mo m nenge ikyarkyase gbidyem iyol

Iyange ne i tsan hana ne mbafankwagh, ne mba zenden sha ahumbe nea fa yô ôrom nen kwagh, u iyange man wer pe ve tsan la ka hana ve tsana? Pe ve yemen la yô ka hana? M pine mer ahumbe yô ka hana a dugh, a pever di hanma shie? U bon ashe kpa u nenge a min ga ka a gba huran i kpiligh mo iyol u ungwan. Man u gese wegh kpa u kôr a ga, shi a kuma U yô aa tile, u kôôm ahumbe kpaa ka tom Wou

Kasev mba maren ahina, ugen mar uhar nenge ugen mar utar, shi ugen la mar unyiin je, m nenge yô m kaa mer ageba ageba Aôndo hemba igbetar ve, mban cii ka Ter A kuran ken uya, man ve dugh nyian ye, nor ngu a mar môm man nenge nor a kehe, uwu! ikyarkyase gbidyem iyol a ityom You me ôr kwagh Wou sha shie u mo m lu uma her ne

Igbetar ne kumam, ishima ka mea gba henen kwagh sha kwagh u hum yô m nenge a tahav, hum ngu a ndyar zende yemen sha shagba lua lua, zenden bughun ashe gbavelaa, ka ityom i Ter tsô, we nenge a hum yô tile shie kpuaa, alu ikondo i ndor i pupuu shin nyian ngu geman i, Aba Ter oo u gbam, wer m nenge agee Ou m yôô ior ve ungwa yô mgba yôôn ve

Alu u pe nengen, tahav mbu Aôndo pe gen yô za hen ape, hur a lu yô. U hembe iyou na u yem akper u va hur maa iyou na kuva san nyôr, mngerem hana? Akam ga toho kpa mayange ga, tar va nen cica se sugh, Uhemban, sha won yô ka Aôndo tseegh

Aôndo Ter m kav agee Ou yô me wuese, me pase ityom You ne ken igbar, Aôndo Ter nam agee, man nam Cighan Jijingi sha er me vôr shie môm ga me yôô a yôô, kwagh Wou tar u ungwa cica

Se mba wuese We Aôndo ka mimi je Ter U er tar ne, je u ta hindi, igbetar You ne gande u se ungwa ato, Jijingi Wou a suwe se se yôô, kwagh u mhembe Wou se vôr sha won ga