Aôndo soo tonogh ga anmgbianev, Ter Aôndo tsahan mba ka vea er kwagh, kpa ve tuna sha ipila la Tor den ve ga

Ngise Kain er kwaghbo wua Abel, er Aôndo pine Kain yô a tuna, kwagh u cieryol Yô a lu pinen Aôndo, ibume-mpin er u verem kura sha a na shin u pinen mo, Aôndo kaa a Kain er, we u zende zan zan u lu kiligh ga Kain tom ku, hen shie la kpa Ter venda ku, gema shi ver a ver kain i kyav, er or a nenge a Kain yô a de wuan ga

Shi ngise, Elisha or u Aôndo jim jim a wanger Naaman imande, kpaa a venda u ngohol injar i hen Naaman, kpa er Gehashi iyange mough, ayem a za ngohol yô Elisha pine wan tuna, tuna norom ashe ikyôr a ter na, m za mape sha won ga imande i abur abur kaa kwagh a Gehashi kungu kungu puung kera doo u nengen ga

Kape lu je la sha ayange a hegen kpa, mbagenev mba rumun ga, ka vea er kwagh un a shi mbatamen vea gba pinen, sha ci u zuan a mimi u Orkristu ken a ve yô, ka ve ta ityou sha kwagh u tunan, mbagenev ka ve tuna zan zan ve vaa a mbatamen

Mbagenev ka ve tuna ken Nongo u Kristu, zan zan ve haa ken Kelase a za kule kpa, i kule ve ga Sonodi a kule iyol na

Kpa fa nen Ter kera ngu tsahan ior hegen ne er ngise ga A penda iyange ngi van imôm, yange la kwagh a tser ne mba tunan kwagh,Ter A tema iyol Na, iyange la zwa taver a bee mba tunan kwagh je vaan sha mi la kpa ian ia kera lu ga, shi ishô i kpelan ia bee purututu

Nenge Davidi Tor jim jim lu wua Uria shi tôô kwase u Uria lu zege kwaghbo, kpa va zamber, sha mimi Aôndo Ter de un ibo na

Yô de nen u tunan akaa aluer wea nzughul yô rumun ibo zamber Aôndo, Aôndo Tor u Uma Ter A de u ibo ye

Ter Aôndo zungu se aluer se a nzughul yô se rumun nen ibo shi se zamber Ter, sha mimi Tor u Uma Un a de se ibo ye