M ngee u ayange a Ter wase Aôndo A ne u, ken tar ne yô a bee u yem ye, se uma yô se se fa mngee u ayange ou, gayô gema ka se er we u yem ka fele yum yô kunda iyol gbong, ka sha erdoo wou a vese la shien a yen se, kpa Aôndo Ter yô fa cii ka shami je A yer u ye

M ungwa, injakwagh i uma sha won, ve ôron ye iue i doon, mayange ngi tse ikya ga ne m ungwa lum tumbuluu er m kav ga iwanger lum ga, zan zan, nyian i va pasem ken cighan mlu ve, u a yav ikyom inya heen ne mimi lu se a inja, kpa shie vese ga tsô a undu se ve ikyav tese er a lu se a inja yum yô hen Ter wase kpa inja na a vihi keng ga

Alu se a lu vaan, ku na shi tesen atôakyaa a lu uma ve wasen, se kpa pe a mough a lu yemen la hemba doon a undu se, a yemen ye, gayô a lu vea vese kuma se ga kpa nenge, nyian a mough a yem, se er nena ooo saa ka sha se va zua ishigh ye

Un a kôr se iyol sha aeren a na, a doon la kpa se kundu nen asema gayô a lu, se mba shi henen sha kwagh na shin asema yô doo ga se va puu Aba tom, ken asema ase a lu shami ga,Yehova Ter ka u Un a er kwagh se se nyiman ga, saa u wuese, sha ku ne kpa Ter wase Aôndo se yô ka ishughun tsô

Se kwagh u a lu u se se er, yô ka u se pine ken asema ase anmgbian ne yô Ter wase yem a na je ve, ior kpishi mba nan se ishiada na i doon, ior mba wuese un mba kpishi se ungwa doo kpe kpe, mlu wase hegen se mba se lu alu akom ga, ne yô kwagh wase a va lu nena, ma se ser asema er sha shien la se va lu wang yô

Se kera tume nen ityough ken mzungu sha ku na ne kpishi yum ga, Bibilo i pase er a yem ka u za memen sha, gayô se se fa er a kpe i lu ken Yesu yô ve mba ve kpe i lu ken Yesu cii Ter Un a sur ve, asema ityôkyaa i zungwen un ngi hana, se kera zungwe ga se fa ser a yem, ngu sha ya u tsôron

Huan se kpa Ter Aôndo ma U sur se asema er U tee un yô huan se, na se ver ashe sha We kua mhen mba se henen ken shima cii i lu mba se undu U ga, zan zan tsô se keghen iyange Tor A ver se, i se kpaa se kôndo se za mem, na se agee ken Jijingi Tor tsô se tile dông