Ka wea eren tom yô, ka u lu a ishima, iveren sha u va sundan atam ana ve, iyol i taver we u hemba eren tom ye

Ka wea eren tom man, akperan a taan we sha mtsera na, mayiyange u kera soo u eren ga

Tom u Ter A ne se kpaa ngu a injar na, injar i vesen ka uma u tsôron, kpa mba kpishi mba a fa ga yô, ve ve kende tom ve yem ve za tema inya

Ka a pine, ve ve kaa er nenge m er tom u Ortamen kuma anyom imôngo, man ican i ngee me mem ve, mba kaan er nenge m er atsam shie vese mbagen ve kaa er, mo m er tica i MIM, kpa m kav injar na ga mo m mem ye, akperan iv ve asema ve hungur a injar ivesen

Mba kaan er saa mba via a kaa sha ga mo me hide ga, hemen ve wasem ga, mba mo yô ka ngun shin ngula zendam sha ieren na, hide fele yar tom injar na yô ngi keghen un, man i you kpaa i gema ngi

Anmgbianev, tom ne, ka inja tom i or a yar asema ahar nan a er ga, shi u keren u ngohol injar i tar ne a wase ga, man u gema u kenger tom u or kpa u faityô u er ga, we yô eren u wou tom u ngu a injar you, hanma or a injar i nan

Alu se nenge yô ken mbahenen mba Oryiman Yesu je kpa, er Yuda za ngohol injar i shin tar ne yô a kule tom a Yesu je ga, shi Peteru je kpa yange nzughul un yô pine Ter Oryiman er, injar i tom i se undu ityom yase u dondon We yô ngi hana? Ter kaa er ka uma u tsôron, ne va ngohol yô se yina asema ga

Yo Jijingi va suwem ivim agee, er me er tom sha mimi, injar i vesen ngi keghen mo sha

Va Jijingi va suwe se na se agee, er se er tom sha mimi, mhir u Yesu Un a kimbi se injar, injar la ka uma u tsôron