Or u nan a wase se sha atsan a tseren se môm ngu je ga saa We Tor Ugbem, Ter U wase se er iyange U wase Mbaiserael, la zungwe se mhôônom

Mbaiserael, tema ken ican ken Igipiti, ican i iyange ve ya keregh ga imôm lu ga cii, kpa ve yila U yô U wase ve, iyange ve due a iember

Shi iyange ve hemba U ato ken Yerusalem, U bugh wegh tsô i kura ve ikpan i yem a ior, cii Babilon iengem i Yerusalem la kar hen ve kera ve tôô ican doo u nengen ga

Hegen kpa ican i hange je ga ngi timin se kpaa Aôndo, ican i utya nyôr se hingir ayem ayem, anmgbianev kpishi mbagen kpe se ii ga Tor, se hingir ishar-inya hen ahô ne, Ter nenge ayou a civir We kpa a gen i nande a cica cii i bee je ve, zungwe se oo,Yerusalem yan er ibo kpa iyange u zungwe ve se kpa zungwe se mhôônom, ga yô se war sha won ga

Ter Aôndo yange U wa tar ifan, shie u Adam yan tsume, Ter U kaa wer ka sha iusa yase ve se ya ye, se mba shirem tom, kpa ijen ngi been se ga, kwaghyan taver ishe gande mba yamen je kpa due ishima ican i mban u akaa tema tor, bouange mough imbishi uuma hegen, inyaregh ki ki sôron ga

Yô na se or u hemen se u nan a kumba se se nyôr ityôr yô, Icighan Jijingi Wou A suwe se se taver, mbagenev nyôr ken ican ne kera faityô u kundun shima ga ve tsume gbenda

Me pase ne ican i se lu yan cica cii ka ican iyolugh tsô, se a nyôr ken uange se a nyôr ken ibanave, atsan a ken Nongo u Kristu, kpa we taver shima kundu shima ia nyôr sha Tar u Ter A ser ga

M ngu yilan tar cica va va ngohol mmem u tsôron, se kpa kuma u a hide a vese sha Yerusalem u sha, or hemen se Yesu ngu van u va kuan a vese se sôr asema, man se kuma nyôron

Se gule nen mba msen, tahav yina se sha mlu u iyol ne Cighan Jijingi taver se se dondo Yesu u yemen sha la jighlii