Ngise Naomi lu vôso nom a mar ônov, ve di kpa shi ve vôso kasev, hen shien u genegh ve va kpe cii ve undu, Naomi heregh a kasev, tsô ve har ave ityo ve ngor kwelegh

Tsô Naomi kaa a Opa man Rutu er yem nen, mo di kpa m yem tar wam, sha ci u ônov av kpa kpe cii, me lu a ven yô ka an me na ne he? Kpa ve venda er se mba yemen ga se za a we heregh, mba ze dughôô yô Opa man za cia atsan a gbenda, kua shi inyamkume hide yem, a undu Naomi vea Rutu tseegh

Kpa Rutu venda er mo yô me hide jime ga, pe u ze ka her me za, pe wea za tsaan ka her me tsa ye, m fa tar wou mo kpa ka tar wam, pe u kpe, a va ii u la ka her a iim ye

Rutu taver shima nyôr ken Kaanan a zua a myom, Opa kpen atsan a gbenda hide yem, mba ve undu Ter hegen sha ci u atsan a tar ne, myom u Ter Un a kar ve

Mbagenev, ve dondo Ter ka za ze dughôô, tsô ve hide jime ve undu Tor, ci u Kristu ngee atsan gande me kaa ne, gbenda u yemen hen Ter la ngu ican, kpa u zan hen Satan yô gbenda la ngu ican ga, u ya ican keng man u zua a myom er Rutu sha won ye

Aôndo mo yô me undu U ga me lu a We Ter, ken mkpeiyol kua ken isheer, alu atsan a tar ne ta sha mo, me gema ga me lu her a We Ter, Jijingi suwem me tile dông

Kaanan u he la sarem, suwem sha er me nyôr me za ngohol, myom Wou u sha la Tor Ugbem

Kaanan u he la sar se, suwe se sha er se za, nyôr tar la se kpa se ngohol, myom Wou u sha la Tor Ugbem.