Yohane, lu ken ichile i Patemo, lu nengen akav ataankarahar a Waniyongo lu bughun sha shie u mkurtar a kuma, lu orityom u Ter tese un hanma kwagh cii

Tsô a nenge, zegenyinya u pupuu ne ande, or u teman sha min la lu a ada man tsar u sha ityou A lu hemban or u kuman sha Na tsô kpa lu ga, nyinya i ngin ne yô tese se mhembe u,Yesu kpe sha teran Ter va hemba Tor u ifer, ican man ku ve yevese tar hingir bem bem a iember Na

Nyinya, u nyian due bong, lu masen zenden tembe senen ken tar ne kôndon, or tema lu shamin kôr sanker, ken uwe tsô bem gba ica, a va kura bem sha umace, ior tim ayol ave kera doo u nengen ga

Nyinya u il za va yô, or lu a iyôgh ken uwe ki karen kwagh tema shamin tsô kwaghyan gba taver ishe, ior hungwa ashe ikyôr zegeijen himbir u yamen kwagh je kpa gande ior

Shi ku henda zegenyinya u fung ne a va nyôr, or u dondon un ijime hade kende maiyange ga ijende kôr ve hingir mangelaa, ior tim sanker yisa bouange kumba, mba ve shi la ijen kpa shi va pande tim, ior mba ve shi inyamikyume di kpa va wua zan zan

Hegen ken tar ne kera ka ape wan ityough ga ku u hingir, er uumace za ma shin mnger, ya môm ngu a lu a ior mbakpenev, kpishi shie môm er a sough sough, mbera mba u lu a va hen a ve ga yô

Ior yem juu, huan iyol gande, ior mba kpen ku u sanker kua shi bouange, sha ayange ne yô iyô ngi a nyuma or u waren kpa i lu ican, ior hingir u kpen anule ku uile, aaikyôr ngu yemen a ior hen ayange ne gande, kwagh er anyinya ne va zua yô kera kape numben ga

Tere yima se ônov, hegen i mough u wuan, se mbadondon sha sanker m-tev u sha ican a va tema sha mbadondon kpa se hide jime ga, or U nan taver ken ican man ku Ter U kange nan, tsar u mhembe u lun gbem sha won

Nder nen we Tar cii, anmgbianev Ter Yesu zurum nenge anyinya va nyôr kwagh u a shi hegen ka mkaa u ikyengekor, i kaan, hweng sha iyange la se undu tar ne cica, ior mba vea na Ter jighjigh a lu iember i gbem