M ngu sughun,Ter Aôndo, Aôndo kuram ken tar ne, iyev zan zan hegen m bee iyol, inyam man awambe mba zan mo iyol, kpa uma yô a due je ga, shi A kuram m nenge a ônov mba ônov, av shi hurugh mar, ityôkyaa ne doo u me sugh Tor, sha mimi,Terem U kuma sughun

Nenge m kungu ityough, cica hegen m za giigh, a lu gomonti yô ma a dem tom er m bee iyol, man gema hen Ter Aôndo yô m ngu di iyev iyev a nongo Na, Tor nam agee m ngu dughun, atsam sha ikyenge yam, Ter Aôndo kwagh ne doo u wuese We

Hegen shie wam, u lun a ven shin tar ne bee cii, shi kpuaa tsô ne kera va, nenge a mo sha iyol i nyam, man awambe ne je ga, saa di, ken jijingi man se lu nengen ayol ye

Yoshua lu bee iyol, kpa gba yemen di ga, a lôhô Mbaiserael a wa ve kwagh, kwaghwan la doo kpishi, ityô yam, mo man ya wam ka Aôndo Ter tseegh se civir ye, we kpa civir Aôndo Tor u Uma a ya wou la, ken isheer shin a lu ken tor, se cii hegen se civir, Tor u Uma a akaa ase cica

Ter Yesu yange henda jaki nyôr ken gar u Yerusalem, lu u ngohol icivir i masejime ken tar ne, mo a jaki ga m nyôr, ken zege-tempel u Ter, ior mbadondon mough mough yagh yagh, hingir yagh yagh wuluoo, m kange iyol ka sha u kôndon sha

Suwem nen, sha sha msen, ve Ter Un a zungwem mhôônom ye, yange i me mough u kôndon, la Jijingi A telegh jime me henda me kôndo me za nyôr, me mem, sha tartor u tsôron

Suwe se Oryiman, ve Ter Un a zungwe se mhôônom ye, yange i se mough u kôndon, la Jijingi A telegh jime se henda se kôndo se za nyôr, se mem, sha tartor u tsôron sha