Se vihi atindi Ou, Ter wase yô ishese vaa gba kaan, ken tar ne ve ken Tiv kpa i va nyôr

Se ndyar tindi u, Ter Na se u se lu a dooshima ayol, ase la ihom nyôr, pila va daa mimi sha ikyôn tema kape manger ga

Shi se umbur nen asema er, ior mbagenev ve gem icivir, i ma i na Aôndo, ve gur ieev inya ve civir, shi mbagen ve me awambe a ior yô, iyugh i Ter, i ve sha vese atôatyev, a ve ityav ivaa i sondon ye

Se mba ungwan, ityav mbin sha Kaduna man, Yobe man Abuja, shi Taraba cii, sha Maidugeri je yô anmgbianev, ka shaara je mbi we afo ye

Ken tar u Tiv ne, kpaa se fa bem ga ka ityav gbem me sav er ne fe yô, yande ifi Katsina-Ala ka ityav, wea za Guma yande keera ka ityav, Kwande man, Ityôshin a Masev, yisa ken tar Tiv cica

U lu a ivav, ga a ôr u er anji, ngu a nyi koughloo shi nyom yô u venda, se wa imo i Ter ikyo ga yô nenge ior mba ve kom mba tilen se, Tiv sha ishi ga ne mban ve lu nanden, se kera timin se lu yevese, a ikyav jokoo ken toho ne, se dugh iwoo-or ken avese, se dugh ijimba, se dugh iv, alaghga ishima a yôhôl Tor

Se penda Aôndo Ter ken hemen a uzamber ken iti i Yesu, se de guren akaa a kpenegh, se nenge tar u kor yemen, se wanger ayol, a hingir mkur je kpaa, se de moughon a acôghor ga

Kpei Yehova ahii! Se zungwe se vaa afanyô sha hanma isholibo i se er U cii, se ya ibo kpa de ne gbilinor u, a vende Yesu wer a tim se ga, kwagh ne ka er se fe Yesu ve iyongo, i va taver er ka ve se er ve, isholibo i goho Isemael ve zough sha avese ye

Se mba a pe zan ga, se hide hen we se har ashe sha a We, Ter wase nenge se ye kunya sha, ikyev i mbaihyomov, tese ve va fa, na ve ve de henen, er hemba Yesu u yiman se ga kpa ka u tesen tar ne icivir You.