Doo se u wuese We, Ter wase Aôndo, U hemen se, hii pepe se yar ityom ken afishi, mbagenev, yar ka ken atev oo! Mbagen yem u kasua, ikpilaior i gen yem zende ica, man mbauangev mba kinen sha ayouachii, shi ken uya kpaa, Ter se sugh U a iember, U koso se sha kwaghyan u iyolough kua u jijingi, U kura se sha awambe a Ou, hegen i sar se u yaven va lu imôngo avese, se yaven a iember

Luun er, ka sha mhôônom Ou ga yô, ma se nyer ken tugh mbun ga sha ci u, ajiir a se kar la mba gen lu kar zua a ku, se mba ka-kaav ne, ka sha yum wase ga ka agee a Ou

Aôndo we U er, atetan wer se zenden sha, akaa a a gbe se yô, a geman tugh yô, se mem se yav je, se nenge akaa a uma kpishi nga tolough u yemen pe ve yaven, ka iniezwa i Tor U gbem

Ter lu wa ishima u Un a na oruma kwagh u doon yô A haa un mnyam a yav mem mem, A tsuwa hwan A er, kwase gema na Adam a wuese, kape i lu ve m fe mer mnyam ka cighan kwagh je ne

Mnyam, ka kwagh u doon U kaa Wer, U ne mbera mba doon ishima ken mnya, na se se yav, sha er U na se kwagh er U we ishima

Mnyam, ka kwagh u doon U kaa Wer, U ne mbera mba doon ishima ken mnya, se yav kpee ve shi se zua agee a iyologh, man se er U tom

Myav, wase man mnder wase cii ngu sha ikev You,Ter Aôndo oo, alu se a er U kwaghbo, sha mba-mkenger, sha zende wase, shin alu sha liam, hanma kwagh, zungwe se Yehova oo! Se nder, a iember

Ngohol Uma wase koso gir gir, se wa ayol ase sha ikev You se mba yaven, alu er se a nder oo, kpa se mba kwagh Wou, shin aluer se a nder ga, kpa se mba kwagh Wou Ter u Tsôron