Ter Aôndo wase yô, ngise lu man hegen ne kpa ngu Un a lu gbem ken hemen Ter wase ka u geman ga

Ityom i Ter A er je kpa se nenge, ngi geman ga, se nenge yô inyom fam mba her, iyange man uwer asan mba di tsaren kwagh u geman ken ve yô ngu hana,Tor wase Yehova a ityom Na gema ga ordondon we di kpa de geman ga

Mbera mba eren Ter tom kpa ve lu heregh dông, ve se ongo ivangeli i Ter nyian, Mikaia ken atô u uprofeti a gema ga tile her dông, man Elia kpa tile her, shi Sefanu ungwa nen Paulu kpa ve gema ga ku kpa ve rumun, sha u yôôn ivangeli i tsôron

Ameen a diabolo mtaver u tar, yô mbagenev gema man, ve undu Ter Aôndo je mba zendan tar, angev gema ior ayange ne ngee m ôron man icivir shagba inyaregh ve gema ior je kuma iyol, m zamber ne, we de geman inja er kwase u Loti gema man a saa sha gbenda ga

Ameen na yô mbatesen mbagenev, hen ayange ne, ve goom ityesen ve yem sha u keren, shagba u tar, alegh ve goom, ior mba eren uivande zuan a inyaregh, Yesu yan er se ivande kpa A na adikpo hana? Man na di or mkurem ga mngerem kpa na ga kpa a yima, se uuma cica, mer ior mba eren akaa ne cii, ka antikristu de dondon ve ga

Sarem u wan tar kwagh yange ne hide nen hen Yesu, ican a er u kpa we de geman ga a lu iwan, wea pir ashe wea kondo ato kpa tile her dông,Tor wase Yesu yô ngu nengen, iyange yase ia va kuma tsô Ter A sur se asema

Ter Yesu kaa nahan er ka u a taver ishima zan zan mkur ka nan a yima nan ye

Jijingi a suwem me tile her dông, ken jighijigh wam u nan, ken Yesu, me gema ga cii, ve me kuma u nyôron tar u sha u tsôron ye

Jijingi A suwe se, se tile her dông, ican a va atsan a tser se ior vea kar, iangev atô kposo kposo a nyôr se gema ga, ve se kuma u nyôron tar u sha u tsôron ye