Se vaa se yila Aôndo ken tso u Ter ahumbe kohol se ve.
Se vaa se yila Aôndo Ter U wase se ga yô ican ne i kohol se ve, ahumbe iubububu kpyanger tso ken zegemnger u kende se yô, Oryiman Ter wase se tim elegha.
Ngise la mbahenen nyôr ken tso a Ter Yesu imôngo sha u za yôôn ivangel i Ter Yesu yande la mbera kpa ve Ungwa yô ve na Yesu Jighjigh
Mba yem gighikiki mba gbe ker atô yô iyange kwagh er, ijever-ahumbe due gba van iububu kura ta ken tso lu kpyanger, kpinga kpinga kpinga tso shon er, lu kypanger agôndo a mnger lu moughôn lugh lugh tumen ken tso,‘dududu’ dudu ikyuu ikyuu ngbegbaa, kwagh hii ubo, tsô ve gba keren iwasen hen Oryiman
Kpa Yesu Oryiman, gema lu yaven shin atô u tso yav mem mem, se kera lan a lan kwagh, u Ter Yesu Aôndo ga, shie u A yav kpa ken Jijingi yô yaven ga, lu fan kwagh u lu zan hemen purututu
Ve gba yilan Ter Yesu ve gba yilan, Ter U ngu yaven yô kwagh tser U mbayev ve, se mba timin,Ter wase Yesu Ter mough man yange yange zege-ahumbe man huan Ving, kwagh kpiligh iyol sha er ahumbe man shi mngerem je kpa, ve lu ungwa imo Na
Hegen kpa se mbadondon Yesu se nyôr tso u Yesu sha u peren, zegemnger m ngu karen un sha tar ne kua akuraior se mba ken mnger hegen yemen, diabolo vingir ahumbe na gba kpyanger ve
Se mba ungwan er tar u gbuusu hegen ne, sha ajiir kpishi yô, ican i nyôr ken nongo u mbadondon tsombor u Ishemael, tsombor u kpan ne hingir er ka zege-ahumbe ken mnger, mba nanden se ayou a msen shi mba tan ubom wuan ior, kwagh ne hingir zegeican ken mkohol u ior i Ter,Ter Aôndo aoo! Se mba vaan yilan We U undu se yô tso a ur se saa ken mnger cica
Mngee u iangev ken tar ne, kpa ka mkpyanger u tar ne se mba vaan yilan er, shi mtev u sha atsan ngu ngeen mba samber igwa i aie kpa sha avese mbadondon zege-ahumbe ne cii, pe a dugh ka tom u diabolo vindi vindi
Ken vese mbadondon ahumbe nga urun di mbagenev tso ken mnger, ior mbagen, i tôndo ve ati ka mba ve lu cian ican, hiden ken ijime mbagenev di yô, ka sha mban u jighjigh ve la je tso ngu urun ave ken mnger di yer
Anmgbianev, se yila Ter Yesu Aôndo Ter A yima se se kera yina nen asema ga,Ter ngu heregh Jijingi yaven ga, ngu nengen atsan a hanma or lu se yila Oryiman Yesu ken hanma ican i tser se yô Ter Un a wase se
Ter Yesu Oryiman se mba yilan, yô va yange ahumbe shi sôr se asema Ter, taver se asema se per yande la se war ku, ku u ken igyamusu yima seoo! Tso a de urun se ga